Marneuli və Dmanisidəki şagirdlərə 31 Mart soyqırımı barədə məlumat verilib

DÜNYA

 

 

 

Marneuli və Dmanisidəki şagirdlərə 31 Mart soyqırımı barədə məlumat verilib
, 2023
Marneuli və Dmanisidəki şagirdlərə 31 Mart soyqırımı barədə məlumat verilib

Gürcüstanın Marneuli rayonunda fəaliyyət göstərən Gürcüstan Azərbaycanlılarının İnteqrasiya Mərkəzində (GAİM) 31 Mart – Azərbaycanlıların Soyqırımı Günü ilə əlaqədar anım tədbiri keçirilib.

Mərkəzin tarix müəllimi Nərgiz Nəbiyevanın təşəbbüsü ilə keçirilən “Mart Soyqırımı” adlı tədbiri giriş sözü ilə GAİM-in icraçı direktoru Murad Muradov açıb. Sonra soyqırımı qurbanlarının xatirəsi bir dəqiqəlik sükutla yad edilib.

Tədbir mart soyqırımından bəhs edən sənədli və bədii filmin nümayişi ilə davam edib.

Sonra bu faciə ilə bağlı interaktiv müzakirələr aparılıb.

Dmanisi Tədris Mərkəzində tədris olunan Azərbaycan dili dərsinin mövzusu da 31 Mart – Azərbaycanlıların Soyqırımı Gününə həsr edilib.

 

 

 

 

 

Layihə rəhbəri Kamran Xıdırov şagirdlərə 1918-ci il martın 30-dan aprelin 3-dək erməni silahlı quldurlarının bolşeviklərlə birlikdə Bakı şəhərində və Bakı quberniyasının müxtəlif bölgələrində, eləcə də Şamaxı, Quba, Xaçmaz, Lənkəran, Hacıqabul, Salyan, Zəngəzur, Qarabağ, Naxçıvan və digər ərazilərdə azərbaycanlıları kütləvi şəkildə vəhşicəsinə qətlə yetirdikləri barədə məlumat verib.

Dərs zamanı şagirdlər və müəllimlər soyqırıma həsr olunmuş şeirlər səsləndirib, rəsmlər nümayiş etdiriblər. “Yaddaşımda bu gün” mövzusında yazılan inşalar maraqla qarşılanıb.

Çıxış edənlər vurğulayıblar ki, son 200 illik tarixində dəfələrlə soyqırımlarla qarşılaşmış Azərbaycan xalqı bu gün Azərbaycan Prezidenti, Müzəffər Ali Baş Komandan İlham Əliyevin əzmkarlığı sayəsində ölkəmizin ərazi bütövlüyünün bərpasına nail olmaqla bütün dünyada yaşayan soydaşlarımızın başını uca edib.

FOTO QALEREYA

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/marneuli-ve-dmanisideki-sagirdlere-31-mart-soyqirimi-barede-melumat-verilib-2721