YAP Gənclər Birliyinin nümayəndə heyəti Türkiyə Böyük Millət Məclisində olub.https://t.co/jmFo1X49wU pic.twitter.com/G78isWe6W7

— Yeni Azərbaycan Partiyası/ New Azerbaijan Party (@YAP_1992) January 30, 2023

 

Xəbərlər

YAP Gənclər Birliyinin nümayəndə heyəti Türkiyə Böyük Millət Məclisində olub

2023

Türkiyənin hakim Ədalət və İnkişaf Partiyasının (AK Parti) Gənclik Qollarının dəvəti ilə qardaş ölkəyə səfər edən YAP Gənclər Birliyinin nümayəndə heyəti Türkiyə Böyük Millət Məclisinin deputatı, Türkiyə-Azərbaycan parlamentlərarası dostluq qrupunun rəhbəri Şamil Ayrımla görüşüb.

Nümayəndə heyətini salamlayan Şamil Ayrım Azərbaycan ilə Türkiyənin “bir millət, iki dövlət” fəlsəfəsinə əsaslanaraq bütün sahələrdə müttəfiqlik münasibətlərini uğurla inkişaf etdirdiyini vurğulayıb. O, ortaq hədəflərin reallaşmasında gənclərin üzərinə mühüm vəzifələr düşdüyünü söyləyərək bu səfərin gənclər arasında əməkdaşlığın dərinləşdirilməsinə müsbət təsir göstərəcəyinə inamını ifadə edib.

YAP Gənclər Birliyinin sədri Bəxtiyar İslamov hər iki ölkənin dostluq, qardaşlıq və strateji müttəfiqlik münasibətlərinin zirvədə olduğunu bildirib. O qeyd edib ki, iki qardaş ölkənin gəncləri Türkiyə-Azərbaycan əlaqələrinin inkişafına layiqli töhfə vermək əzmindədirlər. B.İslamov səfər çərçivəsində keçirilən görüşlərin gənclər arasında gələcək əməkdaşlığın yeni istiqamətlərinin müəyyənləşdirilməsi baxımından mühüm əhəmiyyət daşıdığını diqqətə çatdırıb.

Görüşdə qarşılıqlı maraq doğuran bir sıra məsələlər müzakirə olunub.

 

kaynak:http://www.yap.org.az/az/view/news/71683/yap-gencler-birliyinin-numayende-heyeti-turkiye-boyuk-millet-meclisinde-olub

 

 

YAP Gənclər Birliyinin nümayəndə heyəti Türkiyə Böyük Millət Məclisində olub.https://t.co/jmFo1X49wU pic.twitter.com/G78isWe6W7

— Yeni Azərbaycan Partiyası/ New Azerbaijan Party (@YAP_1992) January 30, 2023

 

YAP Gənclər Birliyi və AK Parti Gənclik Qolları arasında görüş keçirilib.https://t.co/Pvt6gvthTs pic.twitter.com/jL9Yhag9CK

— Yeni Azərbaycan Partiyası/ New Azerbaijan Party (@YAP_1992) January 30, 2023

 

 

Xəbərlər

YAP Gənclər Birliyi və AK Parti Gənclik Qolları arasında görüş keçirilib

2023

Yeni Azərbaycan Partiyasının Gənclər Birliyinin nümayəndə heyəti qardaş Türkiyənin hakim Ədalət və İnkişaf Partiyasının (AK Parti) Gənclik Qollarının dəvəti ilə bu ölkədə səfərdədir.

Səfər çərçivəsində yanvarın 30-da Ankarada YAP Gənclər Birliyi və AK Parti Gənclik Qollarının nümayəndələri arasında görüş keçirilib.

YAP Gənclər Birliyinin nümayəndə heyətini salamlayan AK Parti Gənclik Qollarının sədri Eyyup Kadir İnan bu səfərin qarşılıqlı fikir və təcrübə mübadiləsinin aparılması, çoxşaxəli əlaqələrin inkişafı baxımından mühüm əhəmiyyət daşıdığını bildirib. O, YAP Gənclər Birliyinin nümayəndələrinin Ankaraya səfər edərək 2023-cü ildə Türkiyədə keçiriləcək prezident seçkiləri öncəsi aparılan hazırlıq prosesində AK Parti Gənclik Qollarına dəstək ifadə etməsinin vacib əhəmiyyət kəsb etdiyini söyləyib.

Görüşdə çıxış edən YAP Gənclər Birliyinin sədri Bəxtiyar İslamov dəvətə və göstərilən qonaqpərvərliyə görə təşəkkürünü bildirib. YAP Gənclər Birliyi və AK Parti Gənclik Qolları arasında əlaqələrin uğurla inkişaf etdiyini qeyd edən Bəxtiyar İslamov qarşılıqlı təmasların intensiv xarakter daşıdığını və bu amilin gənclərimizin bir-birinə daha da yaxınlaşmasında xüsusi rol oynadığını diqqətə çatdırıb. B.İslamov ölkə başçıları cənab İlham Əliyevin və cənab Rəcəb Tayip Ərdoğanın iradəsi və möhkəm dostluğu sayəsində iki dövlət arasında bütün sahələrdə sarsılmaz əlaqələrin yüksələn xətt üzrə inkişaf etdiyini vurğulayıb. O, bu amilin iki ölkə gənclərinin də sıx təmasları və əməkdaşlığı üçün möhkəm bünövrə yaratdığını diqqətə çatdırıb.

Görüşdə YAP Gənclər Birliyi və AK Partinin Gənclik Qolları arasında gələcək əməkdaşlıqla bağlı geniş fikir mübadiləsi aparılıb və müvafiq təkliflər diqqətə çatdırılıb.

Sonra qarşılıqlı hədiyyələr təqdim olunub və xatirə şəkli çəkdirilib.

Qeyd edək ki, YAP Gənclər Birliyinin sədri Bəxtiyar İslamovun rəhbərlik etdiyi nümayəndə heyətinə Gənclər Birliyinin sədr müavinləri Fəsli Nəbiyev, Sevinc Qasımova və üzvləri Nərmin Qocaman, Kənan Kərimov daxildir.

 

 

 

 

 

kaynak:http://yap.org.az/az/view/news/71668/yap-gencler-birliyi-ve-ak-parti-genclik-qollari-arasinda-gorush-kechirilib-

 

 

 

YAP Gənclər Birliyi və AK Parti Gənclik Qolları arasında görüş keçirilib.https://t.co/Pvt6gvthTs pic.twitter.com/jL9Yhag9CK

— Yeni Azərbaycan Partiyası/ New Azerbaijan Party (@YAP_1992) January 30, 2023