Vyanada – Sporcu Gazetesi

Vyanada TDT-yə üzv ölkələrin diaspor qurumlarının nümayəndələri bir araya gəlib

Fri, 16 Jan 2026 04:47:37 +0000

Vyanada TDT-yə üzv ölkələrin diaspor qurumlarının nümayəndələri bir araya gəlib

2026

Vyanada TDT-yə üzv ölkələrin diaspor qurumlarının nümayəndələri bir araya gəlib

Avstriyanın paytaxtı Vyanada Türk Dövlətləri Təşkilatına (TDT) üzv ölkələrin diaspor məsələlərinə məsul dövlət qurumları nümayəndələrinin görüşü baş tutub. Tədbir Azərbaycan Respublikasının Diasporla İş üzrə Dövlət Komitəsinin təşkilatçılığı, Türk Dövlətləri Təşkilatının (TDT) dəstəyi, Azərbaycanın Avstriyadakı Səfirliyinin və Azərbaycan Mədəniyyət Mərkəzinin tərəfdaşlığı ilə keçirilib.

Azərbaycan Mədəniyyət Mərkəzində baş tutan görüşdə Türk Dövlətləri Təşkilatının (TDT) baş katibi Kubanıçbek Ömüralıyev, Azərbaycanın Avstriyadakı fövqəladə və səlahiyyətli səfiri Rövşən Sadıqbəyli, Türkiyənin Avstriyadakı səfiri Gürsel Dönmez, Türkiyənin Birləşmiş Millətlər Təşkilatındakı (BMT) daimi nümayəndəsi Levent Eler, Qırğızıstanın Birləşmiş Millətlər Təşkilatı (Vyana) yanında daimi nümayəndəsi Nurjan Şaildabekova, Diasporla İş üzrə Dövlət Komitəsinin nümayəndələri və TDT-yə üzv ölkələrin diaspor məsələlərinə məsul dövlət qurumlarının təmsilçiləri iştirak edib.

https://x.com/DiasporaAz/status/2011764233860534377

TDT-nin baş katibi Kubanıçbek Ömüralıyev çıxış edərək Türk Dövlətləri Təşkilatına üzv ölkələrin diaspor qurumları arasında əlaqələrin dərinləşdirilməsinin və fəaliyyətin daha koordinasiyalı şəkildə qurulmasının xüsusi əhəmiyyət daşıdığını vurğulayıb. Tədbir çərçivəsində keçirilən Diaspor Potensialının Artırılması üzrə təlim proqramlarının bilik və təcrübə mübadiləsi baxımından mühüm platforma olduğunu qeyd edib.

https://x.com/DiasporaAz/status/2011764233860534377

Səfir Rövşən Sadıqbəyli bu cür təşəbbüslərin türk diasporunun beynəlxalq müstəvidə daha güclü və vahid mövqe ortaya qoymasına xidmət etdiyini bildirib.

Azərbaycan Respublikasının Diasporla İş üzrə Dövlət Komitəsinin məsul əməkdaşları Leyla Həmzəyeva və Şəfəq Binnətova komitənin həyata keçirdiyi genişmiqyaslı layihələr, qarşıya qoyulan hədəflərlə bağlı geniş məlumat veriblər. Türk Dövlətləri Təşkilatına (TDT) üzv ölkələrlə əməkdaşlıq çərçivəsində görülən işlərdən danışıblar.

Digər çıxışçılar xaricdə yaşayan türk icmalarının təşkilatlanması, gənclərin diaspor proseslərinə cəlb olunması məsələlərinə toxunub, TDT-yə üzv ölkələrin diaspor qurumları arasında institusional əməkdaşlığın gücləndirilməsinin labüdlüyünü dilə gətiriblər.

Görüş qarşılıqlı fikir mübadiləsinin aparılması, diaspor sahəsində qazanılan təcrübələrin paylaşılması və gələcək əməkdaşlıq imkanlarının müzakirəsi ilə davam edib.

Foto qalereya

https://x.com/DiasporaAz/status/2011764233860534377

dostların arasında bunu ilk tövsiyyə edən sən ol

Digər xəbərlər

kaynak:https://diaspor.gov.az/az/news-detail/vyanada-tdt-ye-uzv-olkelerin-diaspor-qurumlarinin-numayendeleri-bir-araya-gelib-6576

https://x.com/DiasporaAz/status/2011764233860534377

Vyanada “Azərbaycanın mədəni irsinin qorunması: Avstriyanın töhfəsi” adlı fotosərgi açılıb

Abdullah Yiğit — Thu, 28 Mar 2024 21:11:37 +0000

Vyanada “Azərbaycanın mədəni irsinin qorunması: Avstriyanın töhfəsi” adlı fotosərgi açılıb
28 mart, 2024

Vyanada “Azərbaycanın mədəni irsinin qorunması: Avstriyanın töhfəsi” adlı fotosərgi açılıb
Vyana Azərbaycan Mədəniyyət Mərkəzində “Azərbaycanın mədəni irsinin qorunması: Avstriyanın töhfəsi” adlı fotosərginin açılış mərasimi keçirilib.

Azərbaycan Respublikasının Diasporla İş üzrə Dövlət Komitəsinin dəstəyi və Azərbaycan Respublikasının Avstriya Respublikasındakı Səfirliyinin təşkilatçılığı ilə təşkil olunmuş tədbirdə Vyanadakı diplomatik korpusun təmsilçiləri, səfirlər, beynəlxalq təşkilatların əməkdaşları, ölkə rəsmiləri, yerli ictimaiyyətin nümayəndələri və Avstriyada yaşayan soydaşlarımız iştirak ediblər.

Mədəniyyət Mərkəzinin rəhbəri Leyla Qasımova tədbiri giriş sözü ilə açaraq Azərbaycanın müxtəlif bölgələrində mədəniyyət və tarixi abidələrin qorunub saxlanılmasına böyük töhfə verən Avstriya şirkətlərinə minnətdarlığını bildirib.

Öz çıxışında Azərbaycanın Avstriyadakı səfiri Rövşən Sadıqbəyli Azərbaycanın zəngin mədəni irsinin qorunub saxlanmasının Azərbaycan hökumətinin hər zaman prioriteti olduğunu bildirib. O, Azərbaycanın ərazi bütövlüyünün tam bərpasından sonra Qarabağ regionun yenidən qurulmasına, bərpa və mühafizəsinə yeni təkan verildiyini və bunun ümumxalq missiyasına çevrildiyini diqqətə çatdırıb. Səfir UNESCO-nun Ümumdünya İrsi Siyahısında yer alan İçərişəhər, Qız qalası və digər mədəni abidələrin, həmçinin Azərbaycanın Qarabağdakı mədəni və dini irsinin daxil olduğu memarlıq möcüzələrin bərpası və konservasiyasına avstriyalı memarların töhfəsini əks etdirən fotosərginin nümayişindən məmnunluq hissi duyduğunu söyləyib. BMT-nin Sivilizasiyalar Alyansı ilə 2021-ci ildə “Mədəniyyət naminə sülh” qlobal çağırışı barədə məlumat verərək, mədəni irsin bərpası və qorunmasının davamlı sülhə töhfə olacağını vurğulayıb.

Diasporla İş üzrə Dövlət Komitəsinin sədr müavini Elşad Əliyev Azərbaycanın işğaldan azad olunmuş ərazilərində aparılan bərpa və quruculuq işlərində iştirak edən Avstriya şirkətlərinə təşəkkürünü bildirib.

Azərbaycanda uzun illər fəaliyyət göstərən Avstriya şirkətlərinin nümayəndələri Manfred Vehdorn, Erix Pummer və Roman Brugger təqdimatlarla çıxış edərək, fəaliyyətləri və gördükləri işlər barədə tədbir iştirakçılarına ətraflı məlumat veriblər.

Manfred Vehdorn Azərbaycan ilə Avstriya arasında mövcud dost münasibətlərini önə çıxarıb. O, ölkəmizin zəngin mədəni irsini, Ağdamdakı Cümə məscidinin və Şuşadakı Aşağı Gövhər Ağa və Yuxarı Gövhər Ağa məscidlərinin bərpası barədə məlumat verib. E. Pummer UNESCO-nun Ümumdünya İrsi Siyahısına daxil olan Qız qalası, Şirvanşahlar Sarayı, İçərişəhər, bundan əlavə Məhəmməd məscidi, Bəylər məscidi və Opera və Balet Teatrının bərpası haqqında danışıb. R.Brugger Ağdam Cümə məscidinin bərpası haqqında ətraflı məlumat təqdim edib.

Almaniyanın Qiesen Universitetinin dosenti türkoloq alim Mixael Raynhard Hess çıxışında Şuşanın və ümumiyyətlə Qarabağın Azərbaycanın ədəbiyyat və mədəniyyət tarixindəki zəngin irsi barədə söhbət açıb. İşğal dövründə Şuşa şəhərində törədilmiş dağıntılar və vandalizmin ilk növbədə burada Azərbaycan irsini silmək, onu inkar etmək niyyət ilə edildiyini bildirib. M.R.Hess müəllif olduğu “Şuşanın irsi. Azərbaycan mədəniyyət paytaxtının tarixi və inkişaf yolu” kitabının ingilis dilində nəşrini təqdim edib.

Tədbirin bədii hissəsində görkəmli xanəndə, Xalq artisti Mənsum İbrahimovun rəhbərlik etdiyi “Qarabağ” muğam qrupu musiqili proqram ilə çıxış edib.

FOTO QALEREYA

dostların arasında bunu ilk tövsiyyə edən sən ol
DIGƏR XƏBƏRLƏR

kaynak:https://diaspor.gov.az/az/news-detail/vyanada-azerbaycanin-medeni-irsinin-qorunmasi-avstriyanin-tohfesi-adli-fotosergi-acilib-4458

Vyanada Cənubi Qafqazda münaqişədən sonrakı regional əməkdaşlığa həsr olunmuş beynəlxalq konfrans keçirilib

Abdullah Yiğit — Tue, 23 Jan 2024 20:03:47 +0000

Vyanada Cənubi Qafqazda münaqişədən sonrakı regional əməkdaşlığa həsr olunmuş beynəlxalq konfrans keçirilib

2024

Vyanada Cənubi Qafqazda münaqişədən sonrakı regional əməkdaşlığa həsr olunmuş beynəlxalq konfrans keçirilib

Avstriyanın paytaxtında yerləşən Vyana Diplomatiya Akademiyasında “Cənubi Qafqaz yolların qovşağında: münaqişədən sonrakı şəraitdə regional əməkdaşlığın yeni perspektivləri” mövzusunda beynəlxalq konfrans keçirilib.

Diasporla İş üzrə Dövlət Komitəsinin dəstəyi, Azərbaycanın Avstriyadakı səfirliyi və Beynəlxalq Münasibətlərin Təhlili Mərkəzinin (BMTM) təşkilatçılığı ilə baş tutan tədbirdə Vyanadakı diplomatik korpusun nümayəndələri, səfirlər, beynəlxalq təşkilatların əməkdaşları, beynəlxalq münasibətlər üzrə mütəxəssislər və media təmsilçiləri iştirak ediblər.

Tədbirdə giriş nitqi ilə çıxış edən Diasporla İş üzrə Dövlət Komitəsinin sədr müavini Elşad Əliyev, Azərbaycanın Avstriyadakı səfiri Rövşən Sadıqbəyli, Vyana Diplomatiya Akademiyasının rektoru, səfir Emil Briks ölkəmizin regiondakı müstəsna rolundan, Avropanın enerji təhlükəsizliyinə verdiyi töhfədən danışıb, əməkdaşlığın perspektivlərinə toxunublar. Münaqişədən sonra Cənubi Qafqazda yaranmış yeni vəziyyətə nəzər salınıb, post-müharibə dövründə Ermənistan-Azərbaycan münasibətlərinin normallaşmasında və regionda sülh, təhlükəsizlik və sabitliyin bərqərar olması istiqamətində göstərilən səylərdən bəhs edilib.

Konfransın “Cənubi Qafqaz yolların qovşağında: münaqişədən sonrakı şəraitdə regional əməkdaşlığın yeni perspektivləri” və “Avropanın enerji təhlükəsizliyi, enerji mənbələrinin genişləndirilməsi və onların təchizatı marşrutları: Azərbaycanın rolu” adlı sessiyalarında Beynəlxalq Münasibətlərin Təhlili Mərkəzinin (BMTM) Qərb ölkələrinin araşdırılması üzrə şöbə rəhbəri Vasif Hüseynov, “FACE Consulting” şirkətinin təsisçisi, geosiyasət üzrə ekspert Velina Çakarova, Aİ-nin “Mariya Küri” qlobal proqramının iştirakçısı, NATO-nun eksperti, beynəlxalq təhlükəsizlik üzrə aparıcı strateji analitik Maurizio Qeri, Oksford İnstitutunun enerji araşdırmaları üzrə aparıcı məsləhətçisi, “Eurasia Analytics”in təsisçisi və direktoru Gülmira Rzayeva, Baltik dənizi ölkələri şurasında Enerji bölməsini keçmiş rəhbəri, “Turquoise International” şirkətinin baş məsləhətçisi Endryu Yanis Folkmanis və BMT-nin xüsusi təmsilçiliyinin Dayanıqlı enerji üzrə mütəxəssisi Daniel Qros, Türkiyənin Avstriyadakı beynəlxalq təşkilatlar yanındakı daimi nümayəndəsi, səfir Levent Eler çıxış ediblər.

Avrasiyanın əsas nəqliyyat dəhlizləri barədə ümumi məlumat verilib, onların arasında mühüm əhəmiyyət kəsb edən Orta Dəhliz və onun üzərində yerləşən Cənubi Qafqazın xüsusiyyətləri, Cənub Qaz Dəhlizi boru kəmərinin genişləndirilməsi, Avropanın enerji təhlükəsizliyi, “Yaşıl Sövdələşmə”, enerji sistemlərinin dayanıqlılığının artırılması, Mərkəzi və Şərqi Avropa regionunda enerji diplomatiyası kimi mövzulara toxunulub. Bildirilib ki, Cənub Qaz Dəhlizinin Avropanın enerji təminatındakı rolu, eləcə də Zəngəzur dəhlizi işə düşdükdən sonra Avropa və Asiya arasında əlaqələrin inkişafına müsbət təsir göstərə biləcək.

Ekspertlər yekun sülhün iki ölkə arasında münasibətlərin normallaşması üçün mühüm amil olduğunu, Qarabağ münaqişəsinin başa çatması ilə regional inkişaf və Azərbaycanla Ermənistan arasındakı normallaşmanın Türkiyə və Ermənistan arasında əlaqələrin bərpasına da müsbət təsir göstərəcəyini söyləyiblər.

Konfrans dinləyiciləri maraqlandıran sualların cavablandırılması və fikir mübadiləsinin aparılması ilə yekunlaşıb.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/vyanada-cenubi-qafqazda-munaqiseden-sonraki-regional-emekdasliga-hesr-olunmus-beynelxalq-konfrans-kecirilib-4091