Teatrında – Sporcu Gazetesi https://sporcugazetesi.com Fri, 05 Apr 2024 19:52:38 +0000 tr hourly 1 Azərbaycanlı yazıçının pyesi Rusiyanın “Karabaz-Barabaz” teatrında səhnəyə qoyulub https://sporcugazetesi.com/az%c9%99rbaycanli-yazicinin-pyesi-rusiyanin-karabaz-barabaz-teatrinda-s%c9%99hn%c9%99y%c9%99-qoyulub-h55998.html Fri, 05 Apr 2024 19:52:38 +0000 https://1453kralmedya.com/az%c9%99rbaycanli-yazicinin-pyesi-rusiyanin-karabaz-barabaz-teatrinda-s%c9%99hn%c9%99y%c9%99-qoyulub-h55998.html

Azərbaycanlı yazıçının pyesi Rusiyanın “Karabaz-Barabaz” teatrında səhnəyə qoyulub
, 2024

 

 

 

Azərbaycanlı yazıçının pyesi Rusiyanın “Karabaz-Barabaz” teatrında səhnəyə qoyulub
Rusiyanın Ulyanovsk vilayətinin “Karabaz-Barabaz” Böyük Kuklalar Teatrında tanınmış azərbaycanlı uşaq yazıçısı və dramaturqu Vüqar Haqverdiyevin eyniadlı uşaq pyesi əsasında “Qarınqulu ayı balası” tamaşası səhnəyə qoyulub. Böyük ölçülü cəlbedici kuklaların iştirak etdiyi tamaşanın premyerası martın 30-da Ulyanovsk Uşaq və Gənclərin Yaradıcılıq Sarayında baş tutub.

Resim

Tamaşanın quruluşçu rejissoru teatrın yaradıcısı və rəhbəri, tanınmış rejissor-ssenarist Valeri Qriqoryev, rəssamı modelyer Marina Zavırilina, musiqi tərtibatçısı isə peşəkar bəstəkar-aranjemançı Vladimir Nikonovdur. Tamaşada həmçinin dünya musiqi klassiklərinin məşhur əsərlərinə müəllif improvizələrindən də istifadə edilib.

Qeyd edək ki, sözügedən əsərdə əsas ideya heyvanların dili ilə uşaqlara dostluq, yoldaşlıq, həmrəylik kimi əxlaqi-mənəvi dəyərləri aşılamaq, düz danışmağın vacibliyini göstərmək, eləcə də balacalarda həkimə, iynəyə qarşı qorxu və həyəcan hissini əyləncəli formada yox etməkdir.

FOTO QALEREYA

 

 

 

 

dostların arasında bunu ilk tövsiyyə edən sən ol
DIGƏR XƏBƏRLƏR

kaynak:https://diaspor.gov.az/az/news-detail/azerbaycanli-yazicinin-pyesi-rusiyanin-karabaz-barabaz-teatrinda-sehneye-qoyulub-4509

]]> Primorsk Akademik Dram Teatrında Heydər Əliyevin 100 illik yubileyi təntənə ilə qeyd olunub https://sporcugazetesi.com/primorsk-akademik-dram-teatrinda-heyd%c9%99r-%c9%99liyevin-100-illik-yubileyi-t%c9%99nt%c9%99n%c9%99-il%c9%99-qeyd-olunub-h50035.html Sat, 30 Sep 2023 18:51:56 +0000 https://1453kralmedya.com/primorsk-akademik-dram-teatrinda-heyd%c9%99r-%c9%99liyevin-100-illik-yubileyi-t%c9%99nt%c9%99n%c9%99-il%c9%99-qeyd-olunub-h50035.html

 

 

 

Primorsk Akademik Dram Teatrında Heydər Əliyevin 100 illik yubileyi təntənə ilə qeyd olunub

, 2023

 

 

Primorsk Akademik Dram Teatrında Heydər Əliyevin 100 illik yubileyi təntənə ilə qeyd olunub

 

 

 

 

Rusiyanın Vladivostok şəhərindəki Primorsk Akademik Dram Teatrında müasir Azərbaycan dövlətinin qurucusu Heydər Əliyevin anadan olmasının 100 illiyinə həsr olunmuş təntənəli tədbir keçirilib.

 

 

Primorsk diyarının “Dostluq” təşkilatının və Azərbaycan Respublikasının Yekaterinburqdakı Baş konsulluğunun birgə təşkilatçılığı ilə baş tutan tədbirdə Rusiya Xarici İşlər Nazirliyinin Vladivostok üzrə nümayəndəliyinin rəhbəri, xüsusi tapşırıqlar üzrə səfir Andrey Brovareç, Primorsk diyarının Qanunvericilik Məclisinin deputatları, Vladivostok şəhərində akkreditə olunmuş diplomatik korpusun nümayəndələri, Uzaq Şərq Federal Dairəsinin Kamçatka, Maqadan, Saxa, Xabarovsk, Amur və Çita regionu üzrə Azərbaycan diasporlarının sədrləri, həmçinin şəhər ictimaiyyətinin nümayəndələri, Vladivostok şəhərində yaşayan azərbaycanlılar və Azərbaycandan gələn qonaqlar iştirak ediblər.

Tədbirin rəsmi hissəsi Azərbaycanın və Rusiyanın Dövlət himnlərinin səsləndirilməsi, eləcə də Azərbaycan Respublikasının Yekterinburqdakı Baş konsulluğunun dəstəyi ilə çəkilmiş “Heydər Əliyev – Rusiyadan baxış” filminin nümayişi ilə başlayıb.

 

 

 

Sonra Azərbaycanın Yekaterinburq şəhərindəki Baş konsulu vəzifəsini icra edən Şöhrət Mustafayev, Diasporla İş üzrə Dövlət Komitəsinin məsul əməkdaşı Tural Səfərov, Primorsk diyarının “Dostluq” təşkilatının sədri Ramiz Zeynalov, Primorsk diyarı Xalqlar Məclisinin sədri Qalina Alekseyeva, Daxili siyasət departamentinin şöbə müdiri Viktor Ablapov çıxış edərək, xalqımızın ulu öndərinin həyat yolundan, Azərbaycan dövlətinin müstəqilliyinin möhkəmləndirilməsindəki misilsiz xidmətlərindən və Azərbaycan-Rusiya münasibətlərinin dərinləşməsində müstəsna rolundan danışıblar.

Azərbaycan Ordusunun Qarabağ bölgəsində apardığı antiterror tədbirlərinin uğurla başa çatması xəbəri tədbir iştirakçıları tərəfindən böyük coşğu ilə qarşılanıb.

Bədii hissədə Azərbaycanın xalq artisti Niyaməddin Musayevin, eləcə də yerli xalqların yaradıcı kollektivlərinin ifasında maraqlı konsert proqramı təqdim olunub.

Tədbir çərçivəsində teatrın foyesində Heydər Əliyevin həyat və fəaliyyətini əks etdirən fotosərgi nümayiş etdirilib.

FOTO QALEREYA

 

 

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/primorsk-akademik-dram-teatrinda-heyder-eliyevin-100-illik-yubileyi-tentene-ile-qeyd-olunub-3578

 

 

 

 

]]>