Stokholm – Sporcu Gazetesi

Stokholmdakı “Qarabağ” Azərbaycan həftəsonu məktəbində görüş keçirilib

Abdullah Yiğit — Wed, 22 May 2024 18:24:14 +0000

Stokholmdakı “Qarabağ” Azərbaycan həftəsonu məktəbində görüş keçirilib

2024

Stokholmdakı “Qarabağ” Azərbaycan həftəsonu məktəbində görüş keçirilib

İsveçin paytaxtı Stokholm şəhərində fəaliyyət göstərən Azərbaycan-İsveç Mədəniyyət Birliyinin (SAF) nəzdindəki “Qarabağ” Azərbaycan həftəsonu məktəbində müəllim heyəti, şagird və valideynlər ilə görüş keçirilib. Görüş iştirakçıları ilə müzakirələr aparılıb, onların fikirləri dinlənilib.

Görüşdə Diasporla İş üzrə Dövlət Komitəsinin və Azərbaycan Respublikasının İsveç Krallığındakı Səfirliyinin əməkdaşları da iştirak edib.

Qonaqları salamlayan “Qarabağ” Azərbaycan həftəsonu məktəbinin rəhbəri Sevda Dadaşova məktəbin fəaliyyəti barədə geniş məlumat verib və göstərilən dəstəyə görə Diasporla İş üzrə Dövlət Komitəsinə təşəkkürünü bildirib. Qeyd olunub ki, 50-yə yaxın şagirdi olan “Qarabağ” məktəbində musiqi, rəqs, ana dili dərsləri keçirilir və gələcəkdə idman, kulinariya dərslərinin tədrisi nəzərdə tutulur.

Diasporla İş üzrə Dövlət Komitəsinin şöbə müdiri Leyla Həmzəyeva ölkəmizin Birinci vitse-prezidenti Mehriban xanım Əliyevanın təşəbbüsü ilə xaricdə fəaliyyət göstərən “Qarabağ” məktəblərinin sayı və fəaliyyəti barədə geniş məlumat verib. O, Azərbaycan-İsveç Mədəniyyət Birliyinin (SAF) nəzdindəki “Qarabağ” Azərbaycan həftəsonu məktəbinin “Qarabağ” adının yaşadılması, azyaşlı soydaşlarımızın Azərbaycana bağlılığının artırılması, ana dilini daha yaxşı bilməsi, vətənpərvər ruhda yetişdirilməsi kimi mühüm məqsədlərə xidmət etdiyini diqqətə çatdırıb. Azərbaycan Respublikasının Prezidenti İlham Əliyevin Şuşada keçirilən Dünya Azərbaycanlıların V Qurultayındakı çıxışı xatırladılıb və qeyd edilib ki, bütün azərbaycanlıları birləşdirən ana dilimizin xaricdə yaşayan soydaşlarımız tərəfindən öyrənilməsi vacibdir və bu istiqamətdə yeni ana dili məktəblərinin, həftəsonu məktəblərinin açılması çox önəmli bir hadisədir. Görüşdə “Qarabağ” həftəsonu məktəblərinin fəaliyyətinin Komitənin diqqətində olduğu vurğulanıb. Komitə rəhbərliyinin xaricə səfərləri zamanı “Qarabağ” həftəsonu məktəblərinin müəllim heyəti və şagirdləri ilə görüşlər keçirildiyi diqqətə çatdırılıb. Gələcəkdə İsveçdə Azərbaycan Evinin açılması müzakirə olunub.

Komitənin şöbə müdirinin müavini Əli Əliyev və Azərbaycan Respublikasının İsveç Krallığındakı Səfirliyinin əməkdaşı Əsgər Nağıyev məktəbin kollektivinə gələcək fəaliyyətlərində uğurlar arzulayıblar.

Sonra şagirdlərin ifasında vətənpərvərlik mövzusunda mahnılar səsləndirilib.

Görüşün sonunda “Qarabağ” məktəbinə hədiyyələr təqdim edilib.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/stokholmdaki-qarabag-azerbaycan-heftesonu-mektebinde-gorus-kecirilib-4709

Stokholmdakı “Qarabağ” Azərbaycan həftəsonu məktəbində azərbaycanlı qonaqlarla görüş olub

Abdullah Yiğit — Sun, 29 Oct 2023 10:32:02 +0000

Stokholmdakı “Qarabağ” Azərbaycan həftəsonu məktəbində azərbaycanlı qonaqlarla görüş olub

, 2023

Stokholmdakı “Qarabağ” Azərbaycan həftəsonu məktəbində azərbaycanlı qonaqlarla görüş olub

İsveçin paytaxtı Stokholm şəhərində fəaliyyət göstərən Azərbaycan-İsveç Mədəniyyət Birliyinin (SAF) nəzdindəki “Qarabağ” Azərbaycan həftəsonu məktəbində İsveçdə səfərdə olan “Əlil Qadınlar Cəmiyyəti”nin nümayəndə heyəti ilə görüş keçirilib.

Görüşdə Beynəlxalq Media Qurupunun, SAF-ın fəalları, “Qarabağ” məktəbinin şagirdləri və “Qarabağ” uşaq rəqs ansamblının üzvləri iştirak ediblər.

Görüş iştirakçılarını salamlayan SAF rəhbəri Sevda Dadaşova birliyin və həftəsonu məktəbinin fəaliyyət istiqamətləri barədə ətraflı məlumat verib.

Tədbirdə çıxış edən “Əlil Qadınlar Cəmiyyəti”nin sədri Məhluqə Qaramanlı, Beynəlxalq Media Qurupunun İH-nin sədri rejissor Rahim Sadıqbəyli, tanınmış yazıçı Eluca Atalı ölkəmizin suverenliyinin və ərazi bütövlüyünün tam bərpa edilməsi, Xankəndidə Azərbaycan bayrağının ucaldılması münasibətilə soydaşlarımızı təbrik ediblər. Gənclərə müasir Azərbaycan dövlətinin qurucusu Heydər Əliyevin ölkəmizin dövlət müstəqilliyinin əldə olunması, qorunub saxlanılması və möhkəmləndirilməsi istiqamətində həyata keçirdiyi misilsiz xidmətlərindən danışılıb, dahi şəxsiyyətlə bağlı xatirələrini bölüşüblər. Mədəniyyətimizin və Azərbaycan həqiqətlərinin təbliğində SAF-ın fəaliyyəti yüksək qiymətləndirilib.

Qonaqlara Eluca Atalının kitabları hədiyyə edilib.

Görüşün bədii hissəsində pianoçu Samirə Səfərovanın ifasında Azərbaycan musiqisinin səsləndirilməsi böyük coşğu ilə qarşılanıb.

Qeyd edək ki, “Əlil Qadınlar Cəmiyyəti” nümayəndə heyətinin İsveçə səfəri Azərbaycan Respublikası Qeyri-Hökümət Təşkilatlarına Dövlət Dəstəyi Agentliyinin maliyyə yardımı ilə baş tutub.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/stokholmdaki-qarabag-azerbaycan-heftesonu-mektebinde-azerbaycanli-qonaqlarla-gorus-olub-3733

Stokholm “Qarabağ” məktəbində Xocalı soyqırımı haqqında məlumat verilib

Abdullah Yiğit — Wed, 01 Mar 2023 15:51:45 +0000

Stokholm “Qarabağ” məktəbində Xocalı soyqırımı haqqında məlumat verilib
, 2023
Stokholm “Qarabağ” məktəbində Xocalı soyqırımı haqqında məlumat verilib
Stokholm şəhərində fəaliyyət göstərən “Qarabağ” həftəsonu Azərbaycan məktəbində 26 fevral tarixli dərsin mövzusu Xocalı soyqırımının 31-cü ildönümünə həsr olunub.

Azərbaycanın Dövlət Himninin səsləndirilməsi ilə başlayan dərsdə Xocalı soyqırımı qurbanlarının əziz xatirəsi bir dəqiqəlik sükutla yad edilib.

Azərbaycan dili müəllimi Samirə Ələkbərova və Səbinə Həbibova Xocalının tarixi, faciədən əvvəl əhalinin sayı və tərkibi, coğragiyası, tarixi-mədəni abidələri barədə ətraflı məlumat veriblər. Dünya azərbaycanlılarının, o cümlədən İsveçdə yaşayan soydaşlarımızın “Xocalıya ədalət!” beynəlxalq təbliğat və təşviqat kampaniyası çərçivəsində Xocalı həqiqətlərini dünya ictimaiyyətinə çatdırılması istiqamətində fəal iş apardıqları, Xocalı soyqırımına beynəlxalq səviyyədə hüquqi qiymət verilməsini və bu dəhşətli faciəni törədən erməni cinayətkarlarının ədalət məhkəməsinə cəlb olunması məqsədilə qətiyyətli addımlar atılmasını tələb etdikləri nəzərə çatdırılıb.

Xocalı faciəsinə ithaf olunmuş şeirləri səsləndirən şagirdlər “Xocalıya ədalət!” çağırışını nümayiş etdirib, anım guşəsinə güllər düzüb, şamlar yandırıblar.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/stokholm-qarabag-mektebinde-xocali-soyqirimi-haqqinda-melumat-verilib-2479