Stanislav – Sporcu Gazetesi

Stanislav Yudeniç unudulmaz musiqi həftəsinə görə Bakıya minnətdarlığını bildirib

Abdullah Yiğit — Wed, 18 Oct 2023 10:54:06 +0000

2023

Stanislav Yudeniç unudulmaz musiqi həftəsinə görə Bakıya minnətdarlığını bildirib

Tanınmış ABŞ musiqiçisi Stanislav Yudeniçin bədii rəhbəri olduğu “Dünya Konsertləri Turnesi” beynəlxalq layihəsi çərçivəsində Bakı şəhərində dünya şöhrətli bəstəkar Sergey Raxmaninovun 150 illik yubileyinə həsr olunmuş silsilə konsertlər başa çatıb.

Müslüm Maqomayev adına Azərbaycan Dövlət Filarmoniyasında 10, 12 və 14 oktyabr tarixlərində baş tutan konsertlərdə piano ifaçıları Stanislav Yudeniç (ABŞ), Murad Adıgözəlzadə (Azərbaycan), David Xrikuli (Gürcüstan), Əli Məmmədov (Azərbaycan), İlya Şmukler (İsrail-Rusiya), Çi-Çi (Çin), Yanqrey Tsay (Çin), Anastasiya Vorotnaya (Rusiya), Sergey Belyavski (Rusiya) və İskəndər Məmmədəliyev (Özbəkistan) çıxış ediblər. Musiqiçiləri bədii rəhbər və baş dirijor, Azərbaycanın əməkdar artisti Fuad İbrahimovun və tanınmış dirijor Mustafa Mehmandarovun idarə etdiyi Üzeyir Hacıbəyov adına Azərbaycan Dövlət Simfonik Orkestri müşayiət edib.

Konsertlər başa çatdıqdan sonra Stanislav Yudeniç qonaqpərvərliyə və unudulmaz musiqi həftəsinə görə təşkilatçılara, dəstəyə görə Diasporla İş üzrə Dövlət Komitəsinə dərin minnətdarlığını bildirib. “Musiqi dünyasına verdiyiniz töhfələr və mədəni mübadilənin inkişafı istiqamətində yorulmaz səyləriniz həqiqətən təqdirəlayiqdir”, – deyə Stanislav Yudeniç bildirib.

Qeyd edək ki, Florida ştatında fəaliyyət göstərən Azərbaycan-Amerika Mədəniyyət Assosiasiyasının mədəniyyət məsələləri üzrə direktoru, “Florida Keys” layihəsinin rəhbəri Pərvin Muradovun təşəbbüsü ilə bu layihə ilk dəfə Müslüm Maqomayev adına Azərbaycan Dövlət Filarmoniyasında təqdim edilib.

Layihənin Bakıda təşkilinə Diasporla İş üzrə Dövlət Komitəsi tərəfindən dəstək göstərilib.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/stanislav-yudenic-unudulmaz-musiqi-heftesine-gore-bakiya-minnetdarligini-bildirib-3686

Stanislav Yudeniçin möhtəşəm “Dünya Konsertləri Turnesi” ilk dəfə Bakıda təqdim olunacaq

Abdullah Yiğit — Tue, 10 Oct 2023 15:47:59 +0000

Stanislav Yudeniçin möhtəşəm “Dünya Konsertləri Turnesi” ilk dəfə Bakıda təqdim olunacaq

, 2023

Stanislav Yudeniçin möhtəşəm “Dünya Konsertləri Turnesi” ilk dəfə Bakıda təqdim olunacaq

Tanınmış ABŞ musiqiçişi Stanislav Yudeniçin bədii rəhbəri olduğu “Dünya Konsertləri Turnesi” beynəlxalq layihəsi çərçivəsində Bakı şəhərində dünya şöhrətli bəstəkar Sergey Raxmaninovun 150 illik yubileyinə həsr olunmuş silsilə konsertlər keçiriləcək.

Florida ştatında fəaliyyət göstərən Azərbaycan-Amerika Mədəniyyət Assosiasiyasının mədəniyyət məsələləri üzrə direktoru, “Florida Keys” layihəsinin rəhbəri Pərvin Muradovun təşəbbüsü ilə bu layihə ilk dəfə Müslüm Maqomayev adına Azərbaycan Dövlət Filarmoniyasında təqdim ediləcək.

Layihənin Bakıda gerçəkləşdirilməsinin dəstəkçilərindən biri də Diasporla İş üzrə Dövlət Komitəsidir.

10, 12 və 14 oktyabr tarixlərində baş tutacaq konsertlərdə piano ifaçıları Stanislav Yudeniç (ABŞ), Murad Adıgözəlzadə (Azərbaycan), David Xrikuli (Gürcüstan), Əli Məmmədov (Azərbaycan), İlya Şmukler (İsrail-Rusiya), Çi-Çi (Çin), Yanqrey Tsay (Çin), Anastasiya Vorotnaya (Rusiya), Sergey Belyavski (Rusiya) və İskəndər Məmmədəliyev (Özbəkistan) çıxış edəcəklər. Musiqiçiləri Üzeyir Hacıbəyov adına Azərbaycan Dövlət Simfonik Orkestri müşayiət edəcək. Konsertləri orkestrin bədii rəhbəri və baş dirijoru, Azərbaycanın əməkdar artisti Fuad İbrahimov və tanınmış dirijor Mustafa Mehmandarov idarə edəcək.

Qeyd edək ki, azərbaycanlı pianoçu Əli Məmmədov 2020-ci ildə “Florida Keys” musiqi müsabiqəsinin qalibi olub.

Pərvin Muradov bildirib ki, bir il ərzində Bakı şəhərinin Stanislav Yudeniçin “Dünya Konsertləri Turnesi” beynəlxalq layihəsinə daxil edilməsi və onunla bu layihə çərçivəsində əməkdaşlıq edilməsi məqsədilə müzakirələr aparılıb: “Nəhayət, bu arzumuz gerçəkləşib”.

Soydaşımız bu layihəyə göstərdiyi dəstəyə görə Diasporla İş üzrə Dövlət Komitəsinə minnətdarlığını bildirib: “Fərqli icmalar və ölkələr arasında mədəni mübadilənin və anlaşmanın təşviq edilməsində sizin işinizi yüksək qiymətləndiririk”.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/stanislav-yudenicin-mohtesem-dunya-konsertleri-turnesi-ilk-defe-bakida-teqdim-olunacaq-3656