konfrans – Sporcu Gazetesi https://sporcugazetesi.com Thu, 15 Jun 2023 13:32:51 +0000 tr hourly 1 Belqradda “Heydər Əliyev İli” çərçivəsində konfrans təşkil edilib https://sporcugazetesi.com/belqradda-heyd%c9%99r-%c9%99liyev-ili-c%c9%99rciv%c9%99sind%c9%99-konfrans-t%c9%99skil-edilib-h46486.html Thu, 15 Jun 2023 13:32:51 +0000 https://1453kralmedya.com/belqradda-heyd%c9%99r-%c9%99liyev-ili-c%c9%99rciv%c9%99sind%c9%99-konfrans-t%c9%99skil-edilib-h46486.html

 

 

 

Belqradda “Heydər Əliyev İli” çərçivəsində konfrans təşkil edilib

2023

Belqradda “Heydər Əliyev İli” çərçivəsində konfrans təşkil edilib

 

 

 

Belqrad Universitetinin filologiya fakültəsində fəaliyyət göstərən “Azərbaycan Dili və Mədəniyyəti Mərkəzi“ndə “Heydər Əliyev və dil siyasəti” mövzusunda konfrans, eləcə də “Azərbaycan və Serbiya arasında ədəbi-mədəni əlaqələr” mövzusunda müzakirələr və ədəbi-bədii tədbir keçirilib.

“Azərbaycan Dili və Mədəniyyəti Mərkəzi” və Azərbaycan Dillər Universitetinin birgə təşkilatçılığı ilə baş tutan tədbirdə diplomatik korpusun, yerli ictimaiyyətin, Azərbaycan diasporunun nümayəndələri, müəllim-tələbə heyəti və Azərbaycandan gələn qonaqlar iştirak ediblər.

Konfrans öncəsi bir qrup soydaşımız – ADU-nun nümayəndə heyəti, ölkəmizin Serbiyadakı səfirliyinin, “Azərbaycan Dili və Mədəniyyəti Mərkəzi”nin təmsilçiləri və azərbaycanlı tələbələr ümummilli lider Heydər Əliyevin Taşmaydan parkındakı abidəsini ziyarət ediblər. Müasir Azərbaycan dövlətinin qurucusunun əziz xatirəsini ehtiramla yad edən soydaşlarımız onun abidəsi önünə gül dəstələri düzüblər. Eyni zamanda Taşmaydan parkında yerləşən serb yazıçısı Milorad Paviçin və “Biz hələ uşaq idik” abidələri də ziyarət olunub.

“Azərbaycan Dili və Mədəniyyəti Mərkəzi”nin rəhbəri, diaspor fəalı Günel Babanlı konfrans iştirakçılarını azərbaycan və serb dillərində salamlayıb. Ardınca iki ölkənin Dövlət himnləri səsləndirilib və Azərbaycana həsr olunmuş videoçarx nümayiş etdirilib.

Sonra ADU-nun rektoru, akademik Kamal Abdullayevin konfrans iştirakçılarına təbrik məktubu oxunub.

Azərbaycanın Serbiyadakı səfiri Kamil Xasıyevin salamını tədbir iştirakçılarına çatdıran səfirliyin 2-ci katibi Elvin Əlizadə iki dost ölkə arasında mədəni əlaqələrin qurulmasının tarixi, inkişaf mərhələləri və hazırkı vəziyyəti haqqında danışıb. Azərbaycan-Serbiya arasındakı dostluq münasibətlərinin 26-cı ildönümünə həsr olunmuş videoçarx təqdim edilib.

 

 

 

 

Daha sonra Belqrad Universitetinin Şərqşünaslıq kafedrasının müdiri, professor, Ema Milykoviç, Belqrad Universitetininin professoru, türkoloq Kseniya Aykut, ADU-da fəaliyyət göstərən “Serb dili və Mədəniyyəti Mərkəzi”nin rəhbəri, dosent Lalə Məcidova, Serbiya-Azərbaycan Ticarət Palatasının direktor muavini Biserka Yevtimiyeviç və başqaları çıxış edərək, həyata keçirilən layihələrdən və görülən işlərdən danışıblar.

Yunus Əmrə İnstitutunun direktoru Dinser Şahinin “Bir millət, iki dövlət”, ADU-nun Regionşünaslıq kafedrasının müdiri, professor Sevdagül Əliyevanın “Heydər Əliyevin dil siyasəti” təqdimatları, ADU-nun Fəlsəfə və ictimai elmlər kafedrasının dosenti Şükufə Cabbarovanın “Azərbaycan dili və mədəniyyəti”, Bakı Dövlət Universitetinin Hüquq fakültəsinin dosenti Səkinəxanım Rzayevanın “Rəsmi dilin qanuni əsasları” adlı məruzələri maraqla qarşılanıb. Konfransın elmi hissəsi Heydər Əliyevin və Prezident İlham Əliyevin Azərbaycan dili haqqında söylədikləri fikirləri, qanun və qərarları əks etdirən videoçarxın təqdimatı ilə yekunlaşıb. Videoçarxın alt yazılarını serb dilində Günel Babanlı hazırlayıb.

Konfransın bədii hissəsində Belqrad Milli Opera Teatrının solisti, Azərbaycan Mədəniyyət Mərkəzinin rəhbəri Jasmina Trumbetaş çıxış edərək, Azərbaycan musiqisi və mədəniyyətini bu ölkədə təbliğ edən diaspor fəalı, Azərbaycan Respublikasının “Diaspor fəaliyyətində xidmətə görə” medalı ilə təltif olunmuş mərhum Zərifə Əlizadənin xatirəsini yad edib və onun gördüyü işləri tədbir iştirakçılarının diqqətinə çatdırıb. Sonra vokalçı Azərbaycan bəstəkarları Müslüm Maqomayevin və Niyazinin “Azərbaycan” və “Arzu” əsərlərini ifa edib.

 

 

 

 

Belqrad Universitetində təhsil alan tələbələr – Taleh Ələkbərli (serb dilində), Katarina Miletiç (Azərbaycan dilində) Heydər Əliyevin çox sevdiyi Səməd Vurğunun “Azərbaycan”, Vidadi Quluzadə (serb dilində), Mariya Rodovanoviç (Azərbaycan dilində) Heydər Əliyev Fondunun vitse-prezidenti Leyla Əliyevanın babasının əziz xatirəsinə həsr etdiyi “Elegiya” şeirlərini səsləndiriblər.

FOTO QALEREYA

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/belqradda-heyder-eliyev-ili-cercivesinde-konfrans-teskil-edilib-3103

 

 

 

]]> Rostov-na-Donu şəhərində Azərbaycan Xalq Cümhuriyyətinin 105 illiyinə həsr edilmiş konfrans keçirilib https://sporcugazetesi.com/rostov-na-donu-s%c9%99h%c9%99rind%c9%99-az%c9%99rbaycan-xalq-cumhuriyy%c9%99tinin-105-illiyin%c9%99-h%c9%99sr-edilmis-konfrans-kecirilib-h46216.html Thu, 08 Jun 2023 07:36:15 +0000 https://1453kralmedya.com/rostov-na-donu-s%c9%99h%c9%99rind%c9%99-az%c9%99rbaycan-xalq-cumhuriyy%c9%99tinin-105-illiyin%c9%99-h%c9%99sr-edilmis-konfrans-kecirilib-h46216.html

 

 

 

Rostov-na-Donu şəhərində Azərbaycan Xalq Cümhuriyyətinin 105 illiyinə həsr edilmiş konfrans keçirilib
, 2023
Rostov-na-Donu şəhərində Azərbaycan Xalq Cümhuriyyətinin 105 illiyinə həsr edilmiş konfrans keçirilib
Rusiyanın Rostov-na-Donu şəhərində 28 May – Azərbaycanın Müstəqillik Günü münasibətilə “Qafqazdakı ilk Azərbaycan Demokratik Respublikasının 105 illiyi” mövzusunda konfrans keçirilib.

 

 

 

 

Cənub Universitetinin (Biznes və Hüququn idarə edilməsi İnstitutu) və Rostov regional mədəni-maarifçilik ictimai təşkilatı “Birlik” Don Azərbaycanlılar İttifaqının birgə təşkilatçılığı ilə baş tutan tədbir “Qələbələrin rəmzləri” beynəlxalq forumu çərçivəsində gerçəkləşdirilib.

Azərbaycanın Dövlət Himninin səsləndirilməsi ilə başlayan tədbirdə yerli ictimaiyyətin, Azərbaycan icmasının nümayəndələri, universitetin müəllimləri və tələbələri iştirak ediblər. Qonaqlar arasında Cənub Universitetinin rektoru İmran Əkbərov, Rostov vilayətinin dövlət büdcəli peşə təhsili müəssisəsi “Taqanroq Mexaniki Kolleci”nin direktoru Rafael Məhərrəmov, “Birlik” Don Azərbaycanlılar İttifaqının həmtəsisçisi Rasim Əliyev, “İntexplast” MMC-nin baş direktoru Eldar İbrahimov və başqaları olub.

Konfrans iştirakçılarını salamlayan “Birlik” Don Azərbaycanlılar İttifaqının icraçı direktoru Yeganə Əhmədova 105 il öncə ölkəmizin tarixində baş vermiş mühüm hadisə ilə bağlı ətraflı məlumat verib. Ardınca müsəlman dünyasında ilk dünyəvi demokratik və parlament respublikası olan Azərbaycan Xalq Cümhuriyyətinə dair müxtəlif təqdimatlar nümayiş etdirilib.

 

 

 

 

 

Milli geyimli azərbaycanlı uşaqların ifasında Azərbaycana həsr olunmuş şeirlər səsləndirilib.

Tədbirdə çıxış edənlər tarixi irsimizi əks etdirən bu cür tədbirlərin Rostov vilayətində yaşayan azərbaycanlı gənclər üçün böyük əhəmiyyət kəsb etdiyini vurğulayıblar.

FOTO QALEREYA

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/rostov-na-donu-seherinde-azerbaycan-xalq-cumhuriyyetinin-105-illiyine-hesr-edilmis-konfrans-kecirilib-3072

 

 

]]> Daşkənddə Heydər Əliyevin 100 illik yubileyinə həsr olunmuş beynəlxalq konfrans və konsert keçirilib https://sporcugazetesi.com/dask%c9%99ndd%c9%99-heyd%c9%99r-%c9%99liyevin-100-illik-yubileyin%c9%99-h%c9%99sr-olunmus-beyn%c9%99lxalq-konfrans-v%c9%99-konsert-kecirilib-h45703.html Thu, 25 May 2023 19:34:35 +0000 https://1453kralmedya.com/dask%c9%99ndd%c9%99-heyd%c9%99r-%c9%99liyevin-100-illik-yubileyin%c9%99-h%c9%99sr-olunmus-beyn%c9%99lxalq-konfrans-v%c9%99-konsert-kecirilib-h45703.html

 

 

 

Daşkənddə Heydər Əliyevin 100 illik yubileyinə həsr olunmuş beynəlxalq konfrans və konsert keçirilib
2023
Əlişir Nəvai adına Daşkənd Dövlət Özbək dili və Ədəbiyyatı Universitetində müasir Azərbaycan dövlətinin qurucusu Heydər Əliyevin anadan olmasının 100 illiyi və Respublika Azərbaycan Milli Mədəniyyət Mərkəzinin (RAMMM) 20 illiyi münasibətilə “Özbəkistan və Azərbaycan arasında inkişaf tarixi, yeni dövr və əməkdaşlıq perspektivləri” mövzusunda beynəlxalq elmi-praktik konfrans keçirilib.

Daşkənddə Heydər Əliyevin 100 illik yubileyinə həsr olunmuş beynəlxalq konfrans və konsert keçirilib
Tədbir Diasporla İş üzrə Dövlət Komitəsinin və Özbəkistan Respublikasının Mədəniyyət və Turizm Nazirliyinin nəzdində Millətlərarası münasibətlər və xarici ölkələrlə dostluq əlaqələri Komitəsinin birgə dəstəyi və Respublika Azərbaycan Milli Mədəniyyət Mərkəzinin təşkilatçılığı ilə gerçəkləşdirilib.

Konfransda Azərbaycanın Özbəkistandakı səfirliyinin əməkdaşları, yerli ictimaiyyətin və Azərbaycan icmasının nümayəndələri, professor-müəllim heyəti və tələbələr iştirak ediblər.

Tədbir iştirakçılarını Özbəkistan Millətlərarası münasibətlər və xarici ölkələrlə dostluq əlaqələri Komitəsinin sədri Rustambek Kurbanov salamlayıb.

Tədbirdə çıxış edən Diasporla İş üzrə Dövlət Komitəsinin sədri Fuad Muradov elmə, ədəbiyyata və mədəniyyətə böyük dəyər verən görkəmli dövlət xadimi Heydər Əliyevin anadan olmasının 100 illiyinin və RAMMM-in yaradılmasının 20 illiyinin Özbəkistanın dahi şairi və mütəfəkkiri Əlişir Nəvainin adını daşıyan ali məktəbdə qeyd edilməsini mühüm tarixi hadisə adlandırıb. Heydər Əliyevin özbək xalqına hər zaman böyük məhəbbətlə yanaşdığı, qədirbilən qardaş xalqın da bu misilsiz münasibəti yüksək qiymətləndirdiyi və xalqımızın ulu öndərinin xatirəsinin Özbəkistanda böyük ehtiramla xatırlandığı bildirilib.

Müstəqillik illərində Azərbaycan və Özbəkistan arasında ikitərəfli münasibətlərin əsasının dövlət başçıları Heydər Əliyev və İslam Kərimov tərəfindən qoyulduğu, hazırda bu səmimi dostluq münasibətlərinin Azərbaycan və Özbəkistanın prezidentləri İlham Əliyev və Şavkat Mirziyoyev tərəfindən uğurla davam etdirildiyi vurğulanıb.

RAMMM İdarə Heyətinin sədri Mobil Məmmədov diaspor təşkilatının 20 illik tarixi və fəaliyyət istiqamətləri barədə məlumat verib.

Sonra Özbəkistan Yazıçılar Birliyinin üzvü, professor, ədəbiyyatşünas Bobohan Məhəmməd Şərif “Heydər Əliyev fenomeni”, AMEA Tarix İnstitutunun icraçı direktoru, tarix elmləri namizədi, dosent İlqar Niftəliyev “Heydər Əliyev və Azərbaycan SSR-in ərazi bütövlüyü məsələsi”, fəlsəfə elmləri doktoru, professor Cəmilə Şerməhəmmədova “Heydər Əliyev – özbək xalqının əbədi dostu”, Özbəkistan-Azərbaycan Dostluq Cəmiyyətinin icraçı direktoru, tarix elmləri doktoru, professor Erkin Nuriddinov “Qardaş xalqların əlaqələrinin möhkəmləndirilməsində Özbəkistan-Azərbaycan Dostluq Cəmiyyətinin rolu”, Özbəkistanın əməkdar mədəniyyət işçisi, Özbəkistan Dövlət Dünya Dilləri Universitetinin professoru Tohir Kahhorov “Azərbaycan dilindən özbək dilinə tərcümə olunmuş əsərlər və onların mənası” mövzularında məruzələrlə çıxış ediblər. Tədbir mövzular ətrafında müzakirələrin aparılması ilə yekunlaşıb.

Özbəkistandakı Heydər Əliyev adına Azərbaycan Mədəniyyət Mərkəzində də Azərbaycan xalqının ümummilli lideri Heydər Əliyevin 100 illik yubileyinə həsr olunmuş tədbir keçirilib. Mərkəzin və Azərbaycan Respublikası Diasporla İş üzrə Dövlət Komitəsinin birgə təşkilatçılığı ilə baş tutan tədbirdə Özbəkistanın dövlət və hökumət nümayəndələri, mədəniyyət və incəsənət xadimləri, ziyalılar, Azərbaycan icmasının üzvləri, tələbə və gənclər iştirak ediblər.

Tədbiri giriş sözü ilə açan Mədəniyyət Mərkəzinin direktoru Samir Abbasov Azərbaycan xalqının ümummilli liderinin Türk Dünyası, o cümlədən Özbəkistanla dövlətlərarası əlaqələrin və əməkdaşlığın qurulmasında və inkişafında xidmətlərini qeyd edib.

Komitə sədri Fuad Muradov ulu öndər Heydər Əliyevin ictimai-siyasi fəaliyyətindən və Azərbaycan dövlətçilik tarixindəki rolundan söz açaraq, onun xaricdə yaşayan Azərbaycanlılara qarşı xüsusi diqqətinin olduğunu, Azərbaycan diasporunun məhz ulu öndərin hakimiyyəti dövründə formalaşdığını deyib, diaspor fəaliyyətinin dövlət səviyyəsində qurulmasında ulu öndərin böyük xidmətlərini qeyd edib. O, qardaş Özbəkistanda da çox sayda soydaşlarımızın yaşadığını və daim ölkənin ictimai-mədəni həyatında aktiv iştirak etdiyini söyləyib, onların Azərbaycanla Özbəkistan arasında dostluq və qardaşlığın daha da möhkəmlənməsinə öz töhfələrini verməsinin vacibliyini vurğulayıb.

 

 

 

 

Özbəkistanın Mədəniyyət və Turizm Nazirliyi nəzdində Millətlərarası münasibətlər və xarici ölkələrlə dostluq əlaqələri Komitəsinin sədri Rustambek Qurbanov bu ölkədə də Heydər Əliyevin 100 illik yubileyinin geniş qeyd olunduğunu və bununla əlaqədar Nazirlər Kabineti tərəfindən xüsusi Tədbirlər Planının təsdiq edildiyini qeyd edib.

Çıxışlardan sonra Azərbaycan Respublikası Diasporla İş üzrə Dövlət Komitəsinin layihəsi ilə hazırlanmış və Heydər Əliyevə həsr edilmiş sənədli film nümayiş etdirilib.

Tədbir çərçivəsində Özbəkistan Xalq Çalğı Alətləri Kamera Orkestri ulu öndərə həsr edilmiş “Dostluq” adlı konsert proqramı ilə çıxış edib, azərbaycanlı bəstəkarların Azərbaycana və Heydər Əliyevə həsr edilmiş əsərləri, habelə xalq mahnıları səsləndirilib.

Qeyd edək ki, Özbəkistana səfəri çərçivəsində Komitə sədri Fuad Muradov paytaxt Daşkəndin Xalqlar Dostluğu meydanında Şaəhməd Şamahmudov ailəsinin şərəfinə ucaldılmış abidəni ziyarət edib, Özbəkistanda akkreditə olunmuş xarici ölkələrin media orqanlarına müsahibə verib.

FOTO QALEREYA

 

 

 

 

 

 

dostların arasında bunu ilk tövsiyyə edən sən ol
DIGƏR XƏBƏRLƏR

kaynak:http://diaspor.gov.az/az/news-detail/daskendde-heyder-eliyevin-100-illik-yubileyine-hesr-olunmus-beynelxalq-konfrans-ve-konsert-kecirilib-2994

 

 

]]> Astanada Heydər Əliyevin 100 illiyi münasibətilə elmi-praktik konfrans təşkil edilib https://sporcugazetesi.com/astanada-heyd%c9%99r-%c9%99liyevin-100-illiyi-munasib%c9%99til%c9%99-elmi-praktik-konfrans-t%c9%99skil-edilib-h45295.html Mon, 15 May 2023 18:08:15 +0000 https://1453kralmedya.com/astanada-heyd%c9%99r-%c9%99liyevin-100-illiyi-munasib%c9%99til%c9%99-elmi-praktik-konfrans-t%c9%99skil-edilib-h45295.html

 

 

 

Astanada Heydər Əliyevin 100 illiyi münasibətilə elmi-praktik konfrans təşkil edilib

2023

Astanada Heydər Əliyevin 100 illiyi münasibətilə elmi-praktik konfrans təşkil edilib

Qazaxıstanın paytaxtı Astanada müasir Azərbaycan dövlətinin qurucusu, görkəmli siyasi və dövlət xadimi Heydər Əliyevin anadan olmasının 100 illiyinə həsr olunmuş elmi-praktik konfrans keçirilib.

Dünya Azərbaycanlıları Konqresi” İctimai Birliyinin təşkilatçılığı ilə Qumilyov adına Avrasiya Milli Universitetində baş tutan konfransda yerli ictimaiyyətin və Azərbaycan diasporunun nümayəndələri iştirak ediblər.

Konfransda məruzə ilə çıxış edən birliyin rəhbəri Araz Xudiyev xalqımızın və türk dünyasının dahi şəxsiyyəti Heydər Əliyevin ölkəmizin müstəqilliyinin dönməz olması, möhkəmləndirilməsi və dinamik inkişafı istiqamətində həyata keçirdiyi misilsiz və əvəzsiz xidmətlərdən danışıb. Onun Azərbaycanla Qazaxıstan arasında dostluq və əməkdaşlıq münasibətlərinin yüksək səviyyəyə qalxmasındakı müstəsna roluna diqqəti cəlb edib. Prezident İlham Əliyevin bu siyasi kursu böyük uğurla davam etdirdiyi vurğulanıb.

 

 

 

Heydər Əliyevin qazax xalqına sevgisindən və həssas münasibətindən danışarkən birlik sədri xatırladıb ki, 1986-cı ildə Mixail Qorbaçov tərəfindən Qazaxıstanla bağlı qeyri-milli qərar veriləndə Sov.İKP Siyasi Bürosunun üzvü və SSRİ Nazirlər Soveti sədrinin birinci müavini olan Heydər Əliyev bu ədalətsizliyə qarşı etiraz səsini ucaldaraq, qazax xalqının haqlı mövqeyini dəstəkləmişdi. Eyni zamanda Heydər Əliyev görkəmli qazax yazıçısı, xalqımızın böyük dostu Oljas Süleymenovun 20 Yanvar faciəsi zamanı sovet qoşunlarının Bakıda törətdiyi qanlı qırğına etiraz səsini ucaltmasını və Azərbaycan xalqının yanında olmasını yüksək qiymətləndirirdi.

Konfransda çıxış edənlər Heydər Əliyev haqqında ürək sözlərini söyləyib, unudulmaz şəxsiyyətin xatirəsinin Azərbaycan xalqının və türk dünyasının qəlbində əbədi yaşayacağını diqqətə çatdırıblar.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/astanada-heyder-eliyevin-100-illiyi-munasibetile-elmi-praktik-konfrans-teskil-edilib-2942

 

 

]]> Mahaçqalada Heydər Əliyevə həsr olunmuş beynəlxalq konfrans təşkil edilib https://sporcugazetesi.com/mahacqalada-heyd%c9%99r-%c9%99liyev%c9%99-h%c9%99sr-olunmus-beyn%c9%99lxalq-konfrans-t%c9%99skil-edilib-h45008.html Tue, 09 May 2023 06:38:57 +0000 https://1453kralmedya.com/mahacqalada-heyd%c9%99r-%c9%99liyev%c9%99-h%c9%99sr-olunmus-beyn%c9%99lxalq-konfrans-t%c9%99skil-edilib-h45008.html

 

 

 

 

Mahaçqalada Heydər Əliyevə həsr olunmuş beynəlxalq konfrans təşkil edilib
, 2023

Mahaçqalada Heydər Əliyevə həsr olunmuş beynəlxalq konfrans təşkil edilib

Rusya Federasiyası Dağıstan Respublikasının Mahaçqala şəhərində müasir Azərbaycan dövlətinin qurucusu, görkəmli siyasi və dövlət xadimi Heydər Əliyevin anadan olmasının 100 illiyinə həsr olunmuş “Azərbaycan – Dağıstan: tarixin mərhələləri” mövzusunda beynəlxalq konfrans keçirilib.

 

Dostluq Evində baş tutan tədbir Mahaçqala Azərbaycanlıları Milli-Mədəni Muxtariyyətinin və Dağıstanın Milli Siyasət və Dini İşlər üzrə Nazirliyinin birgə təşkilatçılığı ilə gerçəkləşdirilib.

 

 

 

Konfransda respublikanın və Dərbənd şəhərinin rəsmi şəxsləri, Azərbaycan Respublikası Diasporla İş üzrə Dövlət Komitəsinin, yerli ictimaiyyətin nümayəndələri, Azərbaycan milli-mədəni muxtariyyətlərinin rəhbərləri və fəaları iştirak ediblər. Onların arasında Mahaçqala Azərbaycanlılarının Milli-Mədəni Muxtariyyətinin sədri Rakif Əzizov, Dərbənd Azərbaycanlılarının Milli-Mədəni Muxtariyyətinin sədri Telman Hacıəliyev, Dərbənd Azərbaycanlılarının Milli-Mədəni Muxtariyyətinin sədr müavini Fazil Nametov, Azərbaycan Dövlət Dram Teatrının direktoru Firdovsi Əsgərov, “Dərbənd şəhəri” şəhər Dairə Deputatlar Məclisinin sədri Həsən Mirzoyev, Dərbənd şəhər icra başçısının müavini Vidadi Zeynalov, Dərbənd rayonunun federal hakimi, Dağıstan Respublikası Ağsaqqallar Şurasının üzvü Salman Aşurov və “Dərbənd şəhəri” şəhər Dairə Deputatlar Məclisinin sədrinin köməkçisi Qəni Panayev olub.

 

Tədbirdə Dağıstanın milli məsələlər və dini işlər üzrə nazirinin birinci müavini Harun Davıdov, Dağıstan Respublikası Milli Məclisinin sədr müavini Kamil Davdiyev, Rusiya Xarici İşlər Nazirliyinin Mahaçqaladakı nümayəndəsinin səlahiyyətlərini icra edən Liliana Maqomedova və başqaları çıxış edərək, Heydər Əliyevin SSRİ və Azərbaycanın tarixində, Azərbaycan Respublikası ilə Rusiya Federasiya arasında ikitərəfli münasibətlərin möhkəmləndirilməsində müstəsna rol oynadığını, onun misilsiz xidmətləri sayəsində Azərbaycanın güclü və çiçəklənən ölkələrdən birinə çevrildiyini vurğulayıblar. “Heydər Əliyev görkəmli şəxsiyyət, müdrik dövlət xadimi, yüksək liderlik keyfiyyətlərinə malik şəxsiyyət idi”, – deyə Harun Davıdov söyləyib.

 

Heydər Əliyevin zəngin intellektual və praktiki miras qoyub getdiyinə diqqət cəlb edilib. “Bu gün onun dövlətlər arasında zəngin intellektual və praktiki irsinə söykənərək, qarşılıqlı etimadın misli görünməmiş səviyyəsi əldə olunub, nazirlik və idarələrin mütəşəkkil iş ritmi müəyyən edilib. O, bir çox mühüm birgə işlərin təşəbbüskarı, hərəkətvericisi olub. 1998-ci ildə Rusiya Federasiyası ilə Azərbaycan Respublikası arasında dostluq, əməkdaşlıq və qarşılıqlı təhlükəsizlik haqqında müqavilənin işlənib hazırlanmasına Heydər Əliyevin şəxsi töhfəsini qeyd etmək kifayətdir”, – deyə Rusiya Xarici İşlər Nazirliyinin Mahaçqaladakı nümayəndəsinin səlahiyyətlərini icra edən Liliana Maqomedova bildirib.

 

Diasporla İş üzrə Dövlət Komitəsinin sədri Fuad Muradovun adından konfrans iştirakçılarını salamlayan Komitənin şöbə müdirinin müavini Əli Baytalov tədbirin yüksək səviyyədə təşkilinə görə təşkilatçılara minnətdarlığını ifadə edib: “Hazırda əlaqələrimiz ən yüksək səviyyədədir, bunu hər iki tərəfdən dövlət nümayəndə heyətlərinin müntəzəm səfərləri sübut edir. Dağıstan və Azərbaycan xalqları arasında münasibətlərin tarixi çox dərinlərə gedib çıxır. Bizi tarixi, mədəni, mənəvi dəyərlər birləşdirir və bu əlaqələrin möhkəmlənməsində xalqımızın ümummilli lideri Heydər Əliyevin böyük əməyi olub”.

 

 

 

Sonra Rusiya Elmlər Akademiyasının Uzaq Şərq Federal Araşdırmalar Mərkəzinin Tarix, Arxeologiya və Etnoqrafiya İnstitutunun elmi işçisi Əminə Xəlilova, Dağıstan Dövlət Universitetinin Milli tarix kafedrasının dosenti Almaz İsmayılova və digər alimlər Dağıstanla Azərbaycan arasında tarixi, mədəni və iqtisadi əlaqələrə dair məruzələrlə çıxış ediblər.

 

Tədbirin Dostluq Evinin qarşısındakı meydanda davam edən bədii hissəsində Azərbaycan Dövlət Dram Teatrının kollektivinin ifasında konsert proqramı təqdim olunub.

FOTO QALEREYA

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/mahacqalada-heyder-eliyeve-hesr-olunmus-beynelxalq-konfrans-teskil-edilib-2883

 

 

]]> Moldova paytaxtında Xocalı soyqırımı ilə bağlı konfrans təşkil edilib https://sporcugazetesi.com/moldova-paytaxtinda-xocali-soyqirimi-il%c9%99-bagli-konfrans-t%c9%99skil-edilib-h41345.html Sun, 26 Feb 2023 11:48:38 +0000 https://1453kralmedya.com/moldova-paytaxtinda-xocali-soyqirimi-il%c9%99-bagli-konfrans-t%c9%99skil-edilib-h41345.html

 

 

 

Moldova paytaxtında Xocalı soyqırımı ilə bağlı konfrans təşkil edilib
, 2023
Moldova paytaxtında Xocalı soyqırımı ilə bağlı konfrans təşkil edilib
Kişinyov şəhərindəki Milli Tarix Muzeyində Xocalı soyqırımının 31-cü ildönümü ilə əlaqədar konfrans keçirilib.

Heydər Əliyev Fondunun dəstəyi, Azərbaycanın Moldovadakı səfirliyinin və Moldova Azərbaycanlıları Konqresinin təşkilatçılığı ilə baş tutan konfransda Moldovanın rəsmi şəxsləri, Azərbaycan Milli Məclisinin üzvləri, diplomatik korpusun, yerli ictimaiyyətin, Azərbaycan və yəhudi icmalarının nümayəndələri iştirak ediblər.

Öncə Xocalı qurbanlarının və Türkiyədəki dağıdıcı zəlzələ nəticəsində həlak olanların xatirəsi bir dəqiqəlik sükutla yad edilib.

Konfrans “İstoqram#Xocalı” filminin nümayişi ilə davam edib.

Tədbirdə Azərbaycanın Moldovadakı səfiri Qüdsi Osmanov, Moldova Prezidenti Aparatının rəhbəri Andrey Spınu, Azərbaycan Milli Məclisinin deputatları Tahir Mirkişili və Soltan Məmmədov, Moldova parlamentinin deputatı, Moldova-Azərbaycan parlamentlərarası dostluq qrupunun sədri Vitali Jakot, politoloq Ruslan Şevçenko və Moldova Azərbaycanlıları Konqresinin sədri Elçin Bayramov çıxış ediblər.

Ermənistanın Azərbaycana qarşı əsassız ərazi iddiaları, erməni quldurlarının xalqımıza qarşı həyata keçirdikləri təcavüzkar və etnik təmizləmə siyasəti nəticəsində törətdikləri cinayətlər sırasında Xocalı soyqırımının xüsusi amansızlıqla seçildiyi, bu faciənin təkcə xalqımıza qarşı deyil, bəşəriyyətə qarşı yönəlmiş ən ağır cinayət olduğu, bu hadisələrin bir daha təkrarlanmaması üçün bütün ölkələrin Xocalı soyqırımını qınamasının zəruriliyi, erməni cinayətkarların beynəlxalq ictimaiyyət qarşısında cavab verməsinin vacibliyi bütün çıxışların əsasını təşkil edib.

Prezident İlham Əliyevin Xocalı soyqırımını törədənlərin ifşa olunmasını və beynəlxalq ictimaiyyətin geniş məlumatlandırılmasını Azərbaycanın xarici siyasətinin prioritet istiqamətlərindən biri kimi müəyyənləşdirdiyinə diqqət cəlb edilib. Heydər Əliyev Fondunun bu yöndə sistemli və ardıcıl fəaliyyət göstərdiyi, 2008-ci ildən başlayaraq Heydər Əliyev Fondunun vitse-prezidenti Leyla Əliyevanın təşəbbüsü ilə başlanmış “Xocalıya ədalət!” beynəlxalq kampaniyası vasitəsilə erməni millətçilərinin əsl simasını ifşa edən dəhşətli faktların beynəlxalq ictimaiyyətə çatdırıldığı vurğulanıb. Eyni zamanda qeyd edilib ki, hazırda Azərbaycanla Ermənistan arasında sülh müqaviləsinin imzalanması gündəmdədir, regionda bütün xalqların marağında olan sülhün və əmin-amanlığın bərqərar olması naminə dövlətimiz ciddi səylər göstərir.

Ermənistanın qəsbkar və təcavüzkar siyasəti nəticəsində vaxtilə əzablı günlər keçirən xalqımızın Müzəffər Ali Baş Komandan İlham Əliyevin rəhbərliyi ilə şanlı Azərbaycan Ordusunun Qarabağı erməni işğalından azad etməsindən sonra başıuca gəzdiyini bildirən Azərbaycan səfiri tədbirdə iştirak edən Moldova Azərbaycan Konqresinin gənclərini Xocalı soyqırımının Moldova parlamenti tərəfindən tanınması üçün təşəbbüs göstərməyə çağırıb.

Moldova rəsmiləri ölkələrinin Azərbaycanın kədərini bölüşdüyünü nəzərə çatdırıblar. “Biz təcavüzkarları qınamalı, sülh uğrunda mübarizə aparanların tərəfini tutmalıyıq. Mən şadam ki, Azərbaycan və Ermənistan arasında sülhə aparan tərəqqi görünür”, – deyə Moldova Prezidenti Aparatının rəhbəri Andrey Spınu bildirib.

“Bu faciəni törədənlər və əli olanlar layiqli cəzalarını almalıdırlar ki, nə bu gün, nə də gələcəkdə belə dəhşətli cinayətlər bir daha təkrarlanmasın”, – deyə Vitali Jakot vurğulayıb.

Konfrans çərçivəsində Xocalı soyqırımını əks etdirən fotoşəkillər nümayiş etdirilib, tədbir iştirakçılarına Heydər Əliyev Fondu tərəfindən hazırlanan Xocalı soyqırımı haqqında broşürlər, döş nişanları və “Sonsuz dəhliz” filminin diskləri paylanılıb.

Tədbir yerli kütləvi informasiya vasitələrində geniş şəkildə işıqlandırılıb.

FOTO QALEREYA

 

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/moldova-paytaxtinda-xocali-soyqirimi-ile-bagli-konfrans-teskil-edilib-2434

 

 

]]> Dünyaya 17 Nöbel mükafatçısı bəxş edən universitetdə Xocalı soyqırımına həsr olunmuş elmi konfrans keçirilib https://sporcugazetesi.com/dunyaya-17-nobel-mukafatcisi-b%c9%99xs-ed%c9%99n-universitetd%c9%99-xocali-soyqirimina-h%c9%99sr-olunmus-elmi-konfrans-kecirilib-h41160.html Tue, 21 Feb 2023 12:08:29 +0000 https://1453kralmedya.com/dunyaya-17-nobel-mukafatcisi-b%c9%99xs-ed%c9%99n-universitetd%c9%99-xocali-soyqirimina-h%c9%99sr-olunmus-elmi-konfrans-kecirilib-h41160.html

 

 

 

Dünyaya 17 Nöbel mükafatçısı bəxş edən universitetdə Xocalı soyqırımına həsr olunmuş elmi konfrans keçirilib
, 2023
Dünyaya 17 Nöbel mükafatçısı bəxş edən universitetdə Xocalı soyqırımına həsr olunmuş elmi konfrans keçirilib

Silikon Vadisinin tükənməz sərvəti adlandırılan, dünyanın nüfuzlu beynəlxalq təhsil mərkəzi titulunu qazanmış, üstəlik, ermənilərin çoxluq təşkil etdiyi bölgədə yerləşən ABŞ-ın nüfuzlu Stenford Universitetində Xocalı soyqırımının 31-ci ildönümü ilə əlaqədar elmi-praktik konfrans keçirilib.

Stenford Azərbaycanlı Tələbələr Assosiasiyası və Şimali Kaliforniya Azərbaycan Mədəniyyət Cəmiyyətinin təşkilatçılığı ilə baş tutan “Xocalını xatırlayırıq” konfransında Stənford və Berkli Universitetlərinin tələbələri, müəllim və professorları iştirak edib. Məqsəd Xocalı soyqırımı haqqında məlumatlılığın artırılması, Qarabağla bağlı və ümumilikdə regiondakı mövcud vəziyyətlə əlaqədar səhih məlumatların çatdırılması, erməni dezinformasiyasının qarşısının alınması, bölgədəki sülh və normallaşma prosesinə diqqətin cəlb olunmasıdır.

Şimali Karolina Universitetinin (UNC) azərbaycanlı professoru Əli Əsgərov, Yuta Universitetinin professoru Hakan Yavuz, rəqəmsal məhkəmə ekspertizası və açıq mənbə kəşfiyyatı üzrə analitik Elçin Məmmədov çıxış edərək, təhsil ocağının çoxmilli auditoriyasına geniş məlumat çatdırıblar.

İctimaiyyətə açıq şəkildə təşkil edilən, tələbə və icma üzvlərinin, həmçinin diaspor nümayəndələrinin də müzakirələrə qoşulduğu konfransda Xocalıya ədalət, Xocalının bəşəri cinayət olması və cinayətkarların beynəlxalq məhkəmə qarşısında cavab verməsi tələbləri səslənib, soyqırımla bağlı məlumatlandırıcı materiallar paylanıb, bölgədəki indiki vəziyyətə, o cümlədən azərbaycanlı ekofəalların Laçın-Xankəndi yolunda davam edən aksiyasına diqqət çəkilib.

Bölgədəki real vəziyyətin və tarixi gerçəkliklərin müzakirə olunduğu elmi-praktik konfrans ermənilərin etirazına səbəb olub və onlar konfransın işinin pozulmasına cəhd göstəriblər. Tədbir iştirakçıları bu tip müzakirələrin açıq olduğunu, burada reallıqlara söykənən tərəfsiz elmi müzakirələrin aparıldığını və heç bir təhrif olunmuş faktın səsləndirilmədiyini diqqətə çatdırıblar.

Şimali Kaliforniya Azərbaycan Mədəniyyət Cəmiyyətinin rəhbəri Aynur Ağayevanın moderatorluğu ilə keçirilən konfransda akademik təbəqənin iştirakı ilə belə müzakirələrin davamlı aparılmasının icmalar arasında sağlam dialoqun yaranmasına müsbət təsir göstərəcəyi ifadə olunub.

“Academic Ranking of World Universities”in, “QS World University Rankings”in, “Times Higher Education World University Rankings”in reytinq cədvəllərində davamlı olaraq beşliyə və onluğa düşən Stenford Universitetində Xocalı soyqırımı ilə bağlı təşkil olunan ilk elmi-praktik konfrans xarici elmi auditoriyanın məlumatlanması üçün əvəzsiz addımdır.

FOTO QALEREYA

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/dunyaya-17-nobel-mukafatcisi-bexs-eden-universitetde-xocali-soyqirimina-hesr-olunmus-elmi-konfrans-kecirilib-2408

 

 

]]>