Drezdendə – Sporcu Gazetesi

Drezdendə keçirilən Yay Festivalında diasporumuz iştirak edib

Abdullah Yiğit — Fri, 14 Jul 2023 07:29:14 +0000

, 2023

Drezdendə keçirilən Yay Festivalında diasporumuz iştirak edib

Almaniyanın Drezden şəhərində fəaliyyət göstərən Yohannştadt Mədəniyyət Assosiasiyasında ənənəvi Yay Festivalı (“Sommerfest”) keçirilib.

Almaniya, Gürçüstan, Ukrayna, Hindistan və ərəb ölkələri icmalarının qatıldığı festivalda ölkəmizi “İpək Yolu Azərbaycan” (Seidenstrasse-Aserbaidschan) cəmiyyəti təmsil edib.

Cəmiyyətin rəhbərləri Alseyin Babayev və Yuliana Şneydermanın təşkilatçılığı ilə yaradılmış Azərbaycan guşəsində ölkəmizin tarixini, Qarabağ həqiqətlərini, mədəni irsini və milli mətbəxini əks etdirən nümunələr, Drezdendə yaşayan soydaşımız Aynaz Axundovanın əl işləri nümayiş etdirilib.

Festival iştirakçılarına Azərbaycan barədə ətraflı məlumat verilib və onları maraqlandıran suallar cavablandırılıb.

Ziyarətçilər cəmiyyətin fəalları Atlas Məmmədova və Narıngül Səmədova tərəfindən hazırlanmış şirniyatllara və çay süfrəsinə qonaq ediliblər.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/drezdende-kecirilen-yay-festivalinda-diasporumuz-istirak-edib-3204

Drezdendə Azərbaycana həsr olunmuş fotosərgi açılıb

Abdullah Yiğit — Thu, 08 Jun 2023 08:13:05 +0000

Drezdendə Azərbaycana həsr olunmuş fotosərgi açılıb
2023
Drezdendə Azərbaycana həsr olunmuş fotosərgi açılıb

Almaniyanın Drezden şəhərində “Heydər Əliyev İli” çərçivəsində fotosərginin açılış mərasimi keçirilib.

“İpək yolu Azərbaycan” (“Seidenstrasse-Aserbaidschan”) cəmiyyətinin təşkilatçılığı, Azərbaycanın Almaniyadakı səfirliyinin, Drezdendəki “House of Resources” təşkilatının və “Ukraina evinin” birgə dəstəyi ilə ərsəyə gələn sərgidə Azərbaycan rəssamlarının təsviri sənət əsərlərini, ölkəmizin əsrarəngiz təbiətini, tarixi, mədəni, dini irsini və adət-ənələrini əks etdirən fotoşəkillər nümayiş etdirilib.

Tədbir iştirakçılarını salamlayan çəmiyyətin sədrləri Alseyin Babayev və Yuliana Şneyderman qonaqlara Heydər Əliyevin mədəniyyət və incəsənətə həssas münasibəti, qədim tarixə və zəngin mədəniyyətə malik olan Azərbaycanın dinamik inkişafı, ölkəmizdə mövcud olan multikulturalizm və tolerantlıq mühiti barədə ətraflı məlumat veriblər. Azərbaycanın rəssamlıq məktəbinin korifey sənətkarları Səttar Bəhlulzadə, Toğrul Nərimanbəyov, Böyükağa Mirzəzadə, müasir dövrün tanınmış rəssamları Sakit Məmmədov, Altay Sadıqzadə və digərlərinin yaradıcılığına diqqəti cəlb ediblər.

Tədbirin gedişində Azərbaycana həsr olunmuş sənədli filmlərdən fraqmentlər nümayiş olunub və dahi bəstəkarımız Üzeyir Hacıbəyovun “Sevgili canan” romansı ifa edilib.

Sərginin nümayişi bir ay davam edəcək.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/drezdende-azerbaycana-hesr-olunmus-fotosergi-acilib-3073