çempionatının – Sporcu Gazetesi https://sporcugazetesi.com Sat, 16 Dec 2023 17:07:23 +0000 tr hourly 1 Azərbaycan icmasının üzvü Dünya Yaddaş Çempionatının qalibi olub https://sporcugazetesi.com/az%c9%99rbaycan-icmasinin-uzvu-dunya-yaddas-cempionatinin-qalibi-olub-h52500.html Sat, 16 Dec 2023 17:07:23 +0000 https://1453kralmedya.com/az%c9%99rbaycan-icmasinin-uzvu-dunya-yaddas-cempionatinin-qalibi-olub-h52500.html

 

 

 

Azərbaycan icmasının üzvü Dünya Yaddaş Çempionatının qalibi olub

2023

Azərbaycan icmasının üzvü Dünya Yaddaş Çempionatının qalibi olub

 

 

 

İspaniyanın Barselona şəhərində yaşayan Azərbaycan icmasının fəal üzvü Orxan İbadov Hindistanın Mumbay şəhərində keçirilmiş Dünya Yaddaş Çempionatında növbəti uğurunu qazanıb.

 

 

 

Dünyanın ən güclü 780 zəka sahibinin qatıldığı yarışda Azərbaycanı təmsil edən Orxan İbadov iki kateqoriyada qızıl, 4 kateqoriyada gümüş, 2 kateqoriyada bürünc medallar almaqla çempionatın ən çox medal qazanan iştirakçısı olub. O, bir saat ərzində 3412 rəqəmi sırayla düzgün yadda saxlayıb və yeni dünya rekorduna imza atıb. Bundan başqa, 15 dəqiqə ərzində 146 üz, ad və soyadı düzgün yadda saxlamaqla bütün rəqiblərini qabaqlayıb.

 

 

 

Ekspertlər hesab edirlər ki, bu, Azərbaycanın müstəqillik dövründə beynəlxaq intellektual yarışlarda qazanılan ən məhsuldar nəticədir.

 

 

 

 

Qeyd edək ki, Orxan İbadov 2017-ci ildən etibarən sərbəst şəkildə Azərbaycanı mötəbər beynəlxalq yaddaş və beyin yarışlarında təmsil edir. İlk qələbəsini 2017-ci ilin noyabrında İstanbulda keçirilən “MEMORİAD” yarışında qazanıb. Sonrakı illərdə Filippin, Danimarka, Avstriya, Almaniya, Misir, Fransa və digər ölkələrdə, eyni zamanda onlayn formatda keçirilən yarışlarda yüksək nəticələr nümayiş etdirib.

Soydaşımız Azərbaycan, İspaniya, Tailand və digər ölkələrdə zehni inkişaf, yaddaş və beyindən səmərəli istifadə və digər mövzularla bağlı təlimlər keçir.

 

 

 

Diasporla İş üzrə Dövlət Komitəsi parlaq qələbəsi münasibətilə Orxan İbadovu səmimi-qəlbdən təbrik edir, gələcək yarışlarda davamlı qələbələr qazanmağı arzulayır.

FOTO QALEREYA

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/azerbaycan-icmasinin-uzvu-dunya-yaddas-cempionatinin-qalibi-olub-3967

 

 

 

]]> Kanadada yaşayan soydaşımız gənclər arasında cüdo üzrə ABŞ Açıq Çempionatının üçüncüsü olub https://sporcugazetesi.com/kanadada-yasayan-soydasimiz-g%c9%99ncl%c9%99r-arasinda-cudo-uzr%c9%99-abs-aciq-cempionatinin-ucuncusu-olub-h48176.html Thu, 03 Aug 2023 19:51:08 +0000 https://1453kralmedya.com/kanadada-yasayan-soydasimiz-g%c9%99ncl%c9%99r-arasinda-cudo-uzr%c9%99-abs-aciq-cempionatinin-ucuncusu-olub-h48176.html

 

 

 

 

 

Kanadada yaşayan soydaşımız gənclər arasında cüdo üzrə ABŞ Açıq Çempionatının üçüncüsü olub

, 2023

 

 

 

 

Kanadada yaşayan soydaşımız gənclər arasında cüdo üzrə ABŞ Açıq Çempionatının üçüncüsü olub

 

 

 

 

 

Kanadanın Alberta əyalətində yaşayan 13 yaşlı soydaşımız Emiliya Əliyeva ABŞ-ın Florida ştatının Fort Loderdeyl (Fort Lauderdale) şəhərində keçirilən gənclər arasında cüdo üzrə ABŞ Açıq Çempionatında (U. S. Open Judo Championships) bürünc medal qazanıb.

 

 

 

 

15 ölkənin idmançılarının 27-30 iyul tarixlərində qatıldığı yarışda Emiliya Əliyeva Kanadanın yığma komandası tərkibində uğurla çıxış edib. Gənc soydaşımız iki gün ərzində 70 kq çəki kateqoriyasında gərgin mübarizə şəraitində keçirdiyi 10 oyundan 8-də qalib gəlib. Yarışın birinci günü U18 yaş qrupunda, ikinci gün isə U15 yaş qrupunda cüdoçular arasında üçüncü yerə çıxıb və 2 bürünc medala layiq görülüb.

Qeyd edək ki, Emiliya Əliyeva 6 yaşından cüdo ilə məşğul olur. “Hiro’s Judo Club”un təmsilçisi kimi 70 kq çəki kateqoriyasında U16 yaş qrupuna mənsub olsa da, U18 yaş qrupunda, özündən 3 yaş böyük cüdoçularla güləşir. 2022-ci ildə Manitoba, Kvebek və Saskaçevan açıq çempionatlarında yarışıb. 2023-cü ili U18 yaş qrupunda II “Pacific İnternational” beynəlxalq yarışda iştirakdan başlayıb, ardınca U16 Edmonton beynəlxalq turnirində gücünü sınayıb və U16 Açıq Milli Çempionatda bürünc medal uğrunda mübarizə aparıb.

 

 

 

 

 

Hazırda Emiliya Kanadanın 8 ən yaxşı cüdoçu qızları arasında 4-cü yeri tutur. Gənc soydaşımız 2022-2023-cü ilin nəticələrinə görə Alberta əyalətinin cüdo üzrə gənc və ümidverici idmançısı seçilib. Onun məşqçisi atası Vəsfi Əliyevdir.

 

 

 

 

Diasporla İş üzrə Dövlət Komitəsi gənc Emiliya Əliyevanı və valideynlərini növbəti qələbə münasibətilə təbrik edir, idman karyerasında və təhsilində davamlı uğurlar arzulayır.

FOTO QALEREYA

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/kanadada-yasayan-soydasimiz-gencler-arasinda-cudo-uzre-abs-aciq-cempionatinin-ucuncusu-olub-3301

 

 

 

]]> Soydaşımız Polşa çempionatının qalibi olub https://sporcugazetesi.com/soydasimiz-polsa-cempionatinin-qalibi-olub-h41949.html Fri, 10 Mar 2023 09:15:14 +0000 https://1453kralmedya.com/soydasimiz-polsa-cempionatinin-qalibi-olub-h41949.html

 

 

 

 

 

Soydaşımız Polşa çempionatının qalibi olub
, 2023
Soydaşımız Polşa çempionatının qalibi olub

Polşada yaşayan soydaşımız, qaydasız döyüş üzrə idmançı Denis Məlikov qarışıq döyüş sənətləri (MMA) üzrə Polşa çempionatının qalibi olub.

Gərgin mübarizə şəraitində keçən turnir zamanı 65,8 kq çəkidə çıxış edən həmvətənimiz 4 döyüşün hamısında böyük üstünlük nümayiş etdirib. Final oyununda da qələbə qazanan idmançı turnirin qızıl medalını qazanıb və Azərbaycan bayrağını dalğalandırıb.

Diasporla İş üzrə Dövlət Komitəsi parlaq qələbə münasibətilə Denis Məlikovu təbrik edir, idmançı karyerasında davamlı uğurlar qazanmağı arzulayır.

FOTO QALEREYA

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/soydasimiz-polsa-cempionatinin-qalibi-olub-2570

 

 

]]>