Urgənc şəhərində Yusif Vəzir Çəmənzəminli adına Azərbaycan Mədəniyyəti və Ədəbiyyatı Mərkəzi açılıb

2023

Urgənc şəhərində Yusif Vəzir Çəmənzəminli adına Azərbaycan Mədəniyyəti və Ədəbiyyatı Mərkəzi açılıb
Özbəkistanın Xarəzm vilayətinin Urgənc şəhərində yerləşən Urgənc Dövlət Universitetində görkəmli Azərbaycan yazıçısı və dövlət-ictimai xadimi Yusif Vəzir Çəmənzəminlinin adını daşıyan Azərbaycan Mədəniyyəti və Ədəbiyyatı Mərkəzinin açılış mərasimi keçirilib.

Tədbir Özbəkistanda fəaliyyət göstərən Heydər Əliyev adına Azərbaycan Mədəniyyət Mərkəzinin layihəsi və təşkilatçılığı ilə 23-26 oktyabr 2023-cü il tarixlərində Daşkənd və Xarəzm vilayətində keçirilən “Azərbaycan mədəniyyəti və poeziyası həftəliyi” çərçivəsində baş tutub.

Açılış mərasimində Urgənc Dövlət Universitetinin rektoru, professor Baxrom Abdullayev, Heydər Əliyev adına Azərbaycan Mədəniyyət Mərkəzinin direktoru Samir Abbasov, Özbəkistanın Xarəzm vilayəti rəhbərinin müavini Batır Saidov, özbək yazıçı, tərcüməçi, publisist Babaxan Şərif çıxış ediblər. Natiqlər 1938-40-cı illərdə Urgənc Dövlət Universitetində (o zaman Urgənc Pedaqoji Institutu) müəllim kimi fəaliyyət göstərmiş Yusif Vəzir Çəmənzəminlinin adını daşıyan mərkəzin yaradılmasını iki ölkənin mədəni tarixində mühüm hadisə kimi qiymətləndiriblər. Özbək gənclərinin Azərbaycan mədəniyyətini, tarixini, ədəbiyyatını öyrənməsində, iki ölkə arasında mədəni və ədəbi əlaqələrin daha da möhkəmləndirilməsində mərkəzin mühüm rol oynayacağına əminlik ifadə edilib və Azərbaycan dövlətinə minnətdarlıq bildirilib. Gələcəkdə Yusif Vəzir Çəmənzəminli mərkəzində onlayn şəkildə Azərbaycan dili kurslarının da təşkil ediləcəyi diqqətə çatdırılıb. Heydər Əliyev adına Azərbaycan Mədəniyyət Mərkəzinin həyata keçirdiyi layihələr əsasında indiyədək Özbəkistanın aparıcı universitetlərində, kitabxanalarında 10-a yaxın belə mərkəzin yaradıldığı vurğulanıb.

Mərasimin sonunda Urgənc Dövlət Universitetinin rektoru, professor Baxrom Abdullayevə xalqımızın zəngin mədəniyyətini əks etdirən “Azərbaycan xalçaları” kitabının “İrəvan qrupu” və “Təbriz qrupu” nəfis kitablarını, mərkəzə isə Azərbaycan ədəbiyyatı, tarixi, mədəniyyətini əks etdirən zəngin kitab kolleksiyası hədiyyə edilib. Onların arasında ümummilli lider Heydər Əliyevə, Azərbaycan Prezidenti İlham Əliyevə həsr olunmuş kitablar və Azərbaycan Mədəniyyət Mərkəzinin özbək dilində çap etdirdiyi nəşrlər də yer alıb.

Qeyd edək ki, müasir avadanlıq və mebellə təchiz olunmuş mərkəzdə Azərbaycan tarixi, mədəniyyəti, ədəbiyyatına aid kitablar, nəşrlər, disklər, dərs vəsaitləri, milli suvenirlər, guşələr, ölkə başçılarının görüşlərini əks etdirən fotoşəkillər, xəritələr, Azərbaycanın ədəbiyyat və incəsənət xadimlərinin portretləri, dövlət atributları yerləşdirilib. Mərkəzdə Azərbaycana və iki ölkənin dostluğuna həsr olunmuş tədbir, mühazirə və seminarların keçirilməsi nəzərdə tutulub.

Tədbir çərçivəsində qonaqlar Urgənc Dövlət Universitetinin fəaliyyəti ilə də tanış olublar.

FOTO QALEREYA

dostların arasında bunu ilk tövsiyyə edən sən ol
DIGƏR XƏBƏRLƏR

Kaynak:https://diaspor.gov.az/az/news-detail/urgenc-seherinde-yusif-vezir-cemenzeminli-adina-azerbaycan-medeniyyeti-ve-edebiyyati-merkezi-acilib-3734

“Azərbaycan Diaspor Könüllüləri” Proqramına qəbul ELAN

, 2023

“Azərbaycan Diaspor Könüllüləri” Proqramına qəbul ELAN
Əziz gənclər,

Azərbaycan Respublikasının Diasporla İş üzrə Dövlət Komitəsi gənclər üçün növbəti “Könüllülər Proqramı”nı açıq elan edir.

“Könüllülər Proqramı”nda əsas məqsəd könüllüləri təşkil ediləcək təlim və layihələrə cəlb etmək, onların qazanacağı təcrübə əsasında lazımi bilik və bacarıqlarını artırmaqdır.

6 ay davam edəcək “Azərbaycan Diaspora Könüllüləri” Proqramında əldə edəcəyiniz imkanlar nələrdir?

· Proqram çərçivəsində könüllülük fəaliyyəti, diaspor, Azərbaycan diaspor hərəkatı haqqında ümumi məlumatlar əldə etmək imkanı

· Diaspor sahəsində dövlət siyasətinə ictimai dəstəyin təşkilində, yerli və beynəlxalq layihələrdə, diaspor gənclərinin müxtəlif ölkələrdə keçirdiyi tədbirlərdə və ya konfranslarda iştirak etmək imkanı

· Komitədə ayrı-ayrı qruplar şəklində müvafiq struktur şöbələrində və ya xaricdə fəaliyyət göstərən tərəfdaş təşkilatlarda təcrübə mübadiləsi imkanı

· Gələcəkdə Komitədə işə qəbul prosesində üstünlük əldə etmə imkanı

· Diaspor mütəxəssislərindən təlimlər almaq imkanı

· Dövlət Komitəsi tərəfindən sertifikatlar əldə etmək imkanı

Əgər liderlik bacarıqlarınızı inkişaf etdirmək, Diasporla İş üzrə Dövlət Komitəsinin fəaliyyəti ilə tanış olmaq və müxtəlif ölkələrdə yaşayan soydaşlarımızla əlaqələrin qurulub möhkəmləndirilməsində yaxından iştirak etmək istəyirsinizsə aşağıda yerləşdirilən linkə daxil olaraq müraciət etməyə tələsin!

Qeydiyyat linki: https://diaspor.gov.az/volunteers/

Qeyd: 18-29 yaş aralığında gənclər müraciət edə bilər.

Son qeydiyyat tarixi: 1 noyabr 2023-cü il

#AzDiasporaVolunteers #AzDiasporaYouth #DiasporKönüllüsü #KönüllülerProqramı #Azerbaycangencleri #VolunteersProgram

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/azerbaycan-diaspor-konulluleri-proqramina-qebul-elan-3649

#AzDiasporaYouth – Sporcu Gazetesi

Urgənc şəhərində Yusif Vəzir Çəmənzəminli adına Azərbaycan Mədəniyyəti və Ədəbiyyatı Mərkəzi açılıb

“Azərbaycan Diaspor Könüllüləri” Proqramına qəbul ELAN